Vikan - 11.06.1981, Blaðsíða 29
SMIÐJAN
Blóðugur og
bragðgóður turnbauti
Fyrst skal frægan telja frábæran turn-
bauta, sem ég fékk síðast í Smiðjunni,
blóðugan, undurmeyran og bragðgóðan.
Hann var borinn fram með sérlega mildri
og góðri bearnaise-sósu og annarri sósu
enn betri úr kjötsafanum, rjóma,
brandíi, sveppum og papriku.
Grillsteiktar hamborgarkótilettur
voru vel reyktar og góðar, en því miður
bornar fram með margvíslegu, soðnu
dósagrænmeti og brúnni sveppa-hveiti-
sósu. Venjulega grísakjötið var enn
betra, raunar óvenjulega gott, hæfilega
steikt, en með sama meðlætinu og sömu
sósunni.
Lambakótilettur voru rauðar, meyrar
og góðar, en undir álögum margnefndr-
ar sveppa-hveitisósu, sem í þessu tilviki
hafði þó verið bætt með rjóma. Sama
sósan fylgdi einnig góðum kjúklingi, sem
var í þurrara lagi. Frönsku kartöflurnar,
sem fylgdu, væru bæði of linar og of
dökkar.
í fyrrasumar fékk ég nýjan lax í
Smiðjunni, matreiddan á hefðbundinn
hátt, borinn fram með bráðnu smjöri,
soðnum kartöflum, sítrónum og sýrðum
gúrkum. Þetta var mjög góður matur.
Barnamatur Smiðjunnar hefur reynst
vel. Hamborgari var góður, borinn fram
með sómasamlegri kokkteilsósu. Enn
betri var pizza, þunn, heit og snörp.
Ísinn er ágætur í Smiðjunni, svo framar-
lega sem hann er ekki borinn fram með
dósaávöxtum.
Hrásalatið, sem fylgir öllum aðal-
réttum Smiðjunnar, hefur yfirleitt verið
vel gert, rétt aðeins snarpt undir tönn og
best, þegar sitrónusafi hefur verið
notaður í stað þúsund eyja sósu.
Góð Smiðjuglóð úr
freyðivíni
Svokallað Smiðjukaffi, blandað
kahlua, brandíi og þeyttum rjóma.
Margt er notalegt i innréttingunni,
svo sem dökkbrúnn viður á
veggjum og viðarklæddar súlur.
Annað er mislukkað: Gervieldur á
verður seint heimsfræg grein á þeim
meiði. Betri er Smiðjuglóð úr freyðivini
og martini bitter, hressandi fordrykkur.
Vínlistinn er fremur ómerkilegur í
hvítvínum, en af rauðvínum má fá
Chateauneuf-du-Pape, Chianti Classico
og Chateau de Saint Laurent.
Réttir dagsins eru seldir á nokkurn
veginn sama verði og réttir af fastaseðli,
svo að gestum er enginn sparnaður í
dagsseðlinum. Meðalverð forrétta var
55 krónur, súpa 19 krónur, fiskrétta 65
krónur, kjötrétta 114 krónur og sætu-
rétta 23 krónur.
Einn réttur með súpu á seðli dagsins
kostaði að meðaltali 147 krónur og
þríréttaður matur af fastaseðli með víni
og kaffi kostaði að meðaltali 187 krónur.
Smiðjan slagar því að verði hátt upp í
dýru Reykjavíkurstaðina.
Matareinkunn Smiðjunnar er sjö,
vínlistaeinkunn sex, þjónustueinkunn
sjö og umhverfiseinkunn sjö. Ef matar-
einkunnin er margfölduð með fimrn,
þjónustu- og umhverfiseinkunnir með
tveimur, koma út 69 stig af 100
mögulegum. Þaðgerasjöieinkunn. t ■
Jónas Kristjánsson k________________i
í ÞESSARI GLÆSILEGU ÍSBÚÐ
FENGIÐ KAFFI, KAKÓ, KÖKUR, SAMLOKUR,
PIZZUR, HAMBORGARA, PYLSUR, PÆ MEÐ ÍS,
BANANABÁTA, ÍS-MELBA OG ALLA OKKAR
sívinsælu ísrétti. „17. júní-ísinn''
fáið þið hjá okkur!
Lítiö inn í ísbúðina aö
La uga læk 6/ og fá iö ykkur
kaffi og hressingu, takið
félagana meö.
Opiö
frá kl. 9-23.30
Allir þekkja ísinn frá Rjómaísgerðinni
LAUGALÆK 6 SIMI 34555
24. tbl. Vlkan 29