Vikan - 01.11.1984, Qupperneq 5

Fjallið Skjaldbreiður. Það var á
þessum slóðum sem Jónas
Hallgrímsson villtist frá sam-
ferðamönnum sínum, var einn
með hrossi sinu í tvö dægur
og orti kvæðið góða.
Á hverju hausti auglýsa sýslumenn
landsins í blöðum og útvarpi að menn
geti étt von á umferðartöfum vegna
fjárrekstra. Sumir þeirra loka raunar
ýmsum vegum í umdœmum sínum
fyrir bflum til þess að trufla ekki þessa
ferfættu vini okkar. Göngur og röttir
eru tími athafna í sveitum landsins.
Það er líka alltaf nokkur ævintýrablœr
yfir fjallferðum og smalamennsku:
Þetta eru oft margra daga ferðir á
hestum um fjöll og vegleysur.
í austurhluta Þingvallahrepps eru
aðeins tveir bæir í byggð, Miðfell og
Mjóanes. Þeir eiga afrétt með Gríms-
nesingum en fá aðstoð frá vinum og
kunningjum til smalamennskunnar
sem tekur tvo daga. Útsendari Vik-
unnar veitti þeim lið í september 1983
og tók nokkrar myndir sem nú koma
fyrir augu lesenda.
Afrétturinn liggur eiginlega norð-
austur af þjóðgarðinum, frá Kaldadal f
vestri, upp í hlíðar Skjaldbreiðar og
austur að Tindaskaga. Réttað er við
Gjábakka. Þar er nú ekki búið lengur
fremur en á öðrum bæjum innan þjóð-
garðsins.
Áður fyrr hefur líklega verið fleira fé
í Gjábakkarétt en nú er. Þá var búið á
Þingvöllum, í Vatnskoti, Skógarkoti,
Hrauntúni, Gjábakka og Arnarfelli en
allir þessir bæir voru í byggð fram á
þessa öld.
Myndir: Guðrún Jóhannsdóttir Texti: Sigurður Tómasson og Eggert Einarsson.
Göngur í Þingva/lasveit
38. tbl. Vikan 5