Vikan - 02.05.1985, Page 36

oa
Ástir söngkonunnar Edith Piaf og hnefaleika-
meistarans Marcel Cerdan eru efni nýrrar kvik-
myndar sem nefnist Edith og Marcel. Ævi Edith
Piaf var ótrúlega litrík og um hana hafa spunnist
hinar ótrúlegustu sögur, sumar sannar, aðrar
ekki. Eins og vænta má hefur líf þessarar konu
orðið mörgum að yrkisefni. Söngleikurinn um
hana hefur farið sigurför um heiminn og er um
þessar mundir sýndur hjá Leikfélagi Akureyrar.
Sagt er að Marcel Cerdan hafi verið stóra ástin í
lífi Piaf. Hann var stórvaxið vöðvafjall, hún
grönn og smávaxin. Ást þeirra var í meinum, og
hún fékk sorglegan endi. Opinberlega voru
Edith og Marcel aðeins ,,góðir vinir" en allir í
Frakklandi vissu að annað og meira bjó að baki.
36 ViKan 18. tbl.