Vikan - 02.05.1985, Blaðsíða 37

Marcel Cerdan var giftur og
þriggja barna faöir. Hann vildi
alls ekki skilja við eiginkonu sína
og í tvö ár var hann á stöðugum
þeytingi milli Parísar þar sem
Edith bjó og Casablanca þar sem
fjölskyldan bjó. Samband Edith
og Marcel var mjög stormasamt
og oft lentu þau í hávaðarifrildum
á kaffihúsum en sættust jafn-
harðan aftur. Þegar Marcel var í
New York til þess að búa sig undir
að vinna aftur heimsmeistara-
titilinn frá Jake La Motta rifust
elskendurnir heiftarlega í símann.
Skömmu síðar hringdi Edith og
grátbað Marcel um að koma til
Parísar og hitta sig. Þrátt fyrir
erfiðar og strangar æfingar
pantaði Marcel far með næstu
flugvél. Flugvélin komst aldrei til
Parísar. Hún fórst í stormi yfir
Azoreyjum og Marcel Cerdan
með henni. Edith Piaf náði sér
aldrei eftir áfalliö.
Með hlutverk í kvikmyndinni
Edith og Marcel fara franska leik-
konan Evelyne Bouix og Marcel
Cerdan yngri, sonur hnefaleika-
kappans. Hann þykir líkjast föður
sínum en þó var það aðeins
tilviljun sem réð því að hann fékk
hlutverkið. Hann hafði veriö
ráðinn sem tæknilegur ráðgjafi en
leikarinn sem átti að leika Marcel
framdi sjálfsmorð skömmu áður
en tökur áttu að hefjast. Cerdan
var þá boðið hlutverkið og stóöst
ekki mátið. Hann hringdi þó áður í
móður sína og spurði hana álits.
Þegar hún reyndist þessu ekki
andvíg sló hann til. Hann hefur oft
verið spurður um hvort það hafi
ekki verið vandræðalegt að leika í
kvikmynd sem fjallaði um
ótryggð föður hans. Því svarar
hann á þann veg að sambandið
hafi verið staðreynd og á allra
vitorði og að vilja ekki horfast í
augu við það væri hreinn leikara-
skapur.
Marcel Cerdan var 6 ára þegar
faðir hans fórst og vissi ekki betur
en hjónaband foreldra hans væri í
stakasta lagi. Edith Piaf heimsótti
fjölskylduna í Casablanca eftir
slysið og þær deildu sorgum
sínum, eiginkonan og ástkonan.
Þegar Marcel Cerdan yngri var
16 ára ákvað hann að feta í fótspor
föður síns og gerast hnefaleikari.
Hann fór til Parísar og hitti Piaf.
Hún tók á móti honum eins og
hann væri hennar eigin sonur. 1
tvö ár bjó hann hjá henni í stórri
glæsiíbúð þar sem hún lifði hátt,
umkringd elskhugum, vinum,
aðstoðarmönnum og áhangend-
um. Hún var á kafi í drykkjuskap
og eiturlyfjum og lést örfáum
árum síðar af þess völdum.
Leikkonan Evelyne Bouix hefur
verið nokkuð gagnrýnd fyrir að
gefa of slétta og fellda mynd af
söngkonunni en sjálf segir hún að
Piaf hafi sveiflast milli þess að
vera annars vegar grimm og
drottnunargjörn og hins vegar
óendanlega blíð, og að hlutverkið
hafi verið sér til ómældrar gleði.
Leikstjóri myndarinnar, Claude
Lelouc, vann á sínum tíma til
óskarsverðlauna fyrir myndina A
MAN AND A WOMAN. Marcel
Cerdan var átrúnaðargoð hans
þegar hann var ungur drengur og
seinna lærði hann að meta tilfinn-
ingaþrunginn söng Edith Piaf.
Hann varð fyrir áfalli þegar
Cerdan fórst en það var einnig upp
úr því að hann gerði sér ljósan
mátt kvikmyndanna. Á tjaldinu
mátti endurskapa liðna tíð og
vekja horfnar hetjur aftur til lífs-
ins.
18. tbl. Víkan 37