Vikan - 22.01.1987, Page 18

Á þessari öld hefur öldruðum á íslandi fjölgað
hraðar en nokkrum öðrum aldurshópi. Frá 1960
hefur fólki, 65 ára og eldra, fjölgað tvöfalt hraðar
en fólki yngra en 65 ára á sama tímabili. Þessar
breytingar eru ekki einsdæmi hvað ísland varðar.
Fjöldi aldraðra í öllum iðnríkjum og flestum þró-
unarikjum hefur farið sívaxandi. Á sama tíma
hefur hlutfall aldraðra af þjóðarheild hækkað og
þannig breytt aldurssamsetningu þjóða. Þjóðir
heims eru að eldast.
Þjóðir eldast
Lengra líf er vissulega fagnaðarefni. Engu að
síður fylgja því margvísleg efnahagsleg og félagsleg
áhrif sem bregðast þarf við. En taka þarf á því
viðfangsefni með jákvæðu hugarfari. Ellin er ekki
og má ekki verða vandamál heldur eðlilegur og
sjálfsagður þáttur ævinnar.
Umtalsverð fjölgun aldraðra á næstu árum og
áratugum kallar og á nýjar leiðir við skipulagn-
ingu öldrunarmála. Stofnanaúrræðin eru kostnað-
arsöm fyrir utan að stofnanadvöl er ekki sú lausn
sem flestir aldraðir kjósa helst, ef marka má niður-
18 VIKAN 4. TBL