Vikan - 26.03.1987, Blaðsíða 27

Á góðviörisdögum hafa allt að 1700 manns komið í Hlíöarfjall. Skíðalyfturnar geta flutt allt að 2000 manns á klukkustund svo ekki er mikil hœtta á
að langar biðraðir myndist viö lyfturnar. (Ljósmynd ívar Sigmundsson.)
Skemmtanalífið á Akureyri er allfjölbreytt.
Á Sjallann hefur nánast hver einasti ís-
lendingur heyrt minnst, um helgar er þar
boðið upp á ýmis skemmtiatriði og uppákom-
ur og þar er einnig hægt að kaupa ágætis mat.
í kjallara Sjallans er skemmtilegur „pöbb".
H-IOO er diskótek þeirra Akureyringa. H-ið
er mikið sótt af nemendum Mennta- og Verk-
menntaskólans. Á Hótel KEA er dansað á
hverju laugardagskvöldi.
r
Aundanförnum árum hefur verið byggð
upp frábær skíðaaðstaða í Hlíðarfjalli.
Þar er góður skíðaskáli sem byrjað var
að byggja 1953-54 en var ekki tekinn í notk-
un fyrr en I962. í hann var notað timbrið úr
gamla sjúkrahúsinu á Akureyri, svo að stofni
til er skálinn ansi aldinn. I Hlíðarfjalli eru
brekkur sem henta öllum, hvort sem þeir eru
leiknir á skíðum eður ei. Þar eru góðar skíða-
lyftur og er 500 metra hæðarmunur á lyftu.
Fyrir þá sem treysta sér upp á toppinn er
hægt að bruna 2500 metra niður að skála.
Hægt er að fá leigð skíði, skó og stafi í fjall-
inu og þar er einnig boðið upp á skíðakennslu.
Á sunnudögum geta þeir sem vilja fengið
gæslu fyrir börn sín. í skálanum er hægt að
kaupa léttar veitingar og það er svo sannar-
lega ekki amalegt að skella sér inn í hlýjuna
eftir að hafa verið góða stund á skíðum og
fá sér heitt kókó. Yfirleitt er skíðaaðstaðan
opnuð í lok nóvember eða byrjun desember
og er opin fram til fyrsta maí. Um helgar er
opið frá klukkan 10.00—17.00 i fjallinu en
virka daga er opnað klukkan 13.00 og ýmist
opið til 18.45 eða 21.00. Á kvöldin eru braut-
irnar flóðlýstar og að sögn kunnugra er aldrei
betra að skreppa á skiði en þá. Fyrir þá sem
ekki eru á bíl er vandalítið að komast í fjallið
því þangað eru tíðar rútuferðir úr bænum.
Fyrir þá sem kjósa gönguskíði er um tvennt
að velja. Göngubraut er lögð í Hlíðarfjalli á
hverjum degi og er hún 3,5 kílómetrar á lengd
en um helgar er hún lengd upp í 10 kílómetra.
í Kjarnaskógi er einnig lögð upplýst göngu-
braut þegar snjór er nægur en sökum snjóleys-
is hefur hún ekki verið til mikilla nota í vetur.
Útisundlaug er á Akureyri. Þar sem sund-
laugin er nú var gerð frumstæð laug 1897.
Heitt vatn var leitt þangað úr Glerárdal I933
og voru það fyrstu hitaveituframkvæmdirnar
á Akureyri. Nú er þar 35x10 metra sundlaug
með góðri aðstöðu. Þar eru og tveir heitir
pottar. Inni i sundlaugarhúsinu er innilaug,
12,5x6 metrar að stærð. Hún er til dæmis
mjög hentug fyrir foreldra með ósynd börn.
Einnig er boðið upp á gufubað, líkamsræktar-
aðstöðu og ljósalampa.
Leiklistarstarfsemi er með miklum blóma
á Akureyri. Þegar við heimsóttum stað-
inn stóðu yfir æfingar á söngleiknum
Kabarett, mikið var að gera því þetta var
tæpri viku fyrir frumsýningu. En söngleikur-
inn var frumsýndur þann 14. mars síðastlið-
inn. Leikfélag Akureyrar hefur aðstöðu í
gamla samkomuhúsinu, Hafnarstræti 57, sem
byggt var 1906 og var raunar fyrst í stað hús
góðtemplarareglunnar á Akureyri. Þetta er
fallegt hús sem býður af sér góðan þokka.
Bríet Héðinsdóttir leikstýrir söngleiknum og
það er gaman að sjá hversu vel verkið gengur
upp á litla sviðinu hjá þeim á Akureyri.
Hér hefur verið stiklað á stóru um Akur-
eyri og margt orðið útundan, en víst er
að fyrir þá sem vilja sækja bæinn heim
er af nógu að taka. Þó hefur ekki verið minnst
á þann þátt sem hvað mest er einkennandi
fyrir Akureyri en það eru rólegheitin. Þar er
í senn hægt að sameina þrennt, hvíld, skemmt-
anir og útiveru, án þess að nokkuð skarist.
13. TBL VIKAN 27