Vikan - 21.05.1987, Page 59

Ekkert jafnast á við nautaat í
spánskri þjóðarsál. Sá sem lærir
hinar flóknu reglur nautaatsins
hrífst með í hættulegustu listgrein
veraldar. Sá sem ekkert skilur kallar
þetta blóðbað. Bestu nautabanar
Spánar eru þjóðhetjur og engir eru
jafnfrægir og dáðir þar i landi og
þeir.
Nautaat er þjóðaríþrótt Spán-
verja. Ekkert jafnast á við það í
spánskri þjóðarsál. Nautaat er sam-
an sett af mjög flóknum reglum sem
kallast „hinar tíu gullnu reglur41.
Strangt er gengið eftir að hver
nautabani fari eftir reglum þessum.
Hver sá sem gerir það ekki er hróp-
aður niður og dettur út sem
nautabani. í raun er nautaat helgi-
athöfn enda er það eingöngu iðkað
á sunnudögum á Spáni, nema þegar
„sæluvikurnar“ standa yfir, en hver
borg og hvert þorp á Spáni á sér
eina „sæluviku“ á ári og þá er
nautaat iðkað á hverjum degi í sjö
daga. Mikil hjátrú er bundin nauta-
atinu. Vilji til óhapp eða slys, svo
ekki sé talað um dauðaslys, boðar
það eitthvað illtfyrir þjóðina.
Tugþúsundir íslendinga hafa
komið til Spánar síðan sólarferð-
irnar þangað hófust fyrir rúmum
þrjátíu árum. Fæstir vita nokkuð
hvað nautaat er og tala um það
með hryllingi, kalla það blóðbað
eða eitthvað enn verra. Þetta er
hróplegur misskilningur. Ef fólk
legði það á sig að læra eitthvað um
nautaat til áð vita hvað í raun fer
fram myndi álitið breytast. Spán-
verjar og aðrir þeir sem kunna
nautaat eru sammála um að það
sé göfug listgrein - hættulegasta
listgrein sem til er. Árlega slasast
fjölmargir nautabanar og alltaf
öðru hverju láta nautabanar lífið í
hringnum. Þegareinn frægasti
nautabani Spánar lét lífíð í hringn-
um fyrir tveimur árum varð þjóðar-
sorg á Spáni. Bæði konungur og
drottning landsins ásamt ríkisstjórn
fylgdu honum til grafar sem segir
ef til vill meira en mörg orð um
mat spönsku þjóðarinnar á nauta-
ati og nautabönum.
21. TBL VIKAN 59