Vikan - 10.11.1988, Qupperneq 16

Blómaskeið hippanna með Mamas and Papas í fararbroddi. Sólveig Birgisdóttir, Karl
Örvarsson og Sigríður Beinteinsdóttir.
Stjórnandinn Þorsteinn Eggertsson í Elvis
Presley sveiflu á sviðinu.
HARDSKEYTTIR ROKKARAR
Sýningin Rokkskór og bítlahár heillaði
marga norðanmenn í Sjallanum í vor áður
en hún var flutt á Hótel ísland í haust.
Margir þeirra sem taka þátt í sýningunni
eru að norðan og þó þeir séu lítt eða ekk-
ert þekktir á höfúðborgarsvæðinu hafa
sumir troðið upp eða spilað á sveitaböll-
um víða um land. Júlíus Guðmundsson,
Ingvar Grétarsson og Karl Örvarsson
syngja bróðurpart laganna, en sá síðast-
nefhdi er þekktur sem söngvari úr Stuð-
kompaníinu, sem nú hefur lagt upp laup-
anna. Hinir tveir hafa ætt um allt land á
sveitaböllum, Ingvar sem grimmur gítar-
isti og söngvari. Hann datt inn í nýja hlut-
verkið fýrir hreina tilviljun.
„Þegar verið var að vinna að undirbún-
ingnum að sýningunni forfallaðist einn
söngvarinn á síðustu stundu og ég bauð
mig fram. Þorsteinn Eggertson stjórnandi
sýningarinnar tók því og síðan hef ég bæði
sungið og spilað á gítarinn," sagði Ingvar
Grétarsson í samtali við Vikuna. Hann
vakti mikla hrifhingu kvenfólksins þegar
hann söng lag Tom Jones, Deliah á áhrifa-
mikinn hátt. Hann stælir líka Maybellene
Chuck Berry, Long Tall Sally Little Richard
auk þess að syngja með öðrum í fleiri
lögum.
„Við reynum að líkja eftir söng þeirra
sem gerðu lögin fræg, þó það afbakist nú
stundum. Ég þekkti flest lögin, þar sem ég
hlusta yflrleitt á alla músík, en varð samt
að setjast niður og spila þau lög sem ég
syng til að ná rétta andanum," sagði
Ingvar. „Rokkið gengur enn þann daginn í
dag, það er enginn ákveðinn tegund af
tónlist sem að er ráðandi núna. Spila-
1 6 VIKAN 25. TBL. 1988
mennskan er í sjálfu sér sú sama, núna er
bara meira af tækjum og tölvustýringum,
til að hjálpa tónlistarmönnum.
Ingvar er fjölskyldumaður og búsettur á
Akureyri, en hann flýgur á milli um hverja
helgi. Spilar og syngur á Hótel íslandi og
einnig með hljómsveitinni Karakter í
Hollywood, eftir að rokksýningunni líkur.
Hann er því nánast á hvolfi í spilamennsku
all ar helgar. „Það er náttúrulega erfitt að
vera aldrei heima, en þetta er ekkert öðru-
vísi núna en áður. Ég hef spilað með
hljómsveitum á heimaslóðum og þá höf-
um þeyst á sveitaböll um allar trissur. Ég
er búinn að stunda þetta í 7-8 ár og þetta
venst, eins og hver önnur vinna.“
Þó Ingvar hafi vakið hvað mesta lukku,
eru fjölmargir aðrir söngvarar sem gefa
sýningunni lit. Skriðjökulinn Ragnar
Gunnarsson, Einar Júlíusson og Þorsteinn
Eggertsson fylla hlut karlmanna, en þær
Sigríður Beinteinsdóttir, Anna Vilhjálms-
dóttir, Ólöf Sigríður Valsdóttir og Sólveig
Birgisdóttir sjá um kvenlegu hliðina. ÖIl
rokka þau í kapp við dansaranna, sem
sveiflast annað slagið um sviðið meðal
sögnvaranna. ta lukku, eru fjölmargir aðrir
söngvarar sem gefa sýningunni lit.