Vikan - 07.09.1989, Side 13

RAUPAÐ 0(5 RI55AÐ
Útúrsnúningar og ambögur
.. . og hafði þá í húsi ásamt kærastanum mínum . ..
TEXTI OG TEIKNINGAR: RAGNAR LÁR
Amböguleit
Það getur verið aldeilis bráðskemmtilegt
að lesa blöð og tímarit með það í huga að
leita að málvillum og ambögum.
í sextánda tölublaði Vikunnar, sem út
var gefið 10. ágúst síðastliðinn, eru m.a.
grein og viðtöl um konur í hestamennsku.
Þar er rætt við unga hestakonu sem heitir
Hulda Gústafsdóttir. í viðtalinu segir m.a.:
...fékk að kemba til dæmis hestum fyrir
fólk.“..og síðan hef ég eignast hesta hjá
manninum sem ég var í hesthúsi hjá...“
„Síðastliðinn vetur flutti ég hestana í Víði-
dalinn í Reykjavík þar sem ég hafði þá í
húsi ásamt kærastanum mínum, Hinrik
Bragasyni." „A íslandsmótinu hér tek ég
þátt í gæðingaskeiði og keppni í fimm
gangtcgundum." „Ég er ánægð með þá
þróun að konur skuli nú smám saman vera
farnar að gera sig meira gildandi í skeið-
inu...“
.. . erkibiskupinn og blaðamaðurinn . ..
Finna má ef leitað er
Raupari biður þann ágæta blaðamann
Hjalta Jón Sveinsson, sem fyrrnefnda grein
ritaði, forláts á þessum sparðatíningi en
gat ekki stillt sig þegar hann sá setning-
arnar.
Þeir eru margir ágætir blaðamennirnir
sem hafa orðið fyrir því að rita setningar á
þann hátt að út úr þeim hefúr verið auð-
velt að snúa. Ekki á það síst við þegar sér-
staklega er eftir því leitað.
Útúrsnúningur
Fyrir mörgum árum fór fréttastjóri eins
dagblaðanna á fund í Seðlabankanum. Til-
gangur fundarins var sá að kynna hertar
reglur varðandi útgáfu ávísana. Fréttastjór-
inn, sem hafði prófgráðu í íslensku fi:á Há-
skólanum, samdi ffétt um fúndinn og fyrir-
sögn sem var svohljóðandi: Nýjar reglur
um misnotkun tékka.
Af þessu má sjá að mörg eru vítin til að
varast. Raupari minnist fyrirsagnar sem
út úr var snúið á sínum tíma en fyrirsögn-
in var svona: Skreið til Nígeríu.
Ýmsir málsmetandi menn hafa löngum
mátt gæta að orðum sínum í viðurvist
blaðamanna. Fræg er sagan af þeim erki-
biskupi af Kantaraborg sem fyrstur varð
til að ferðast til Bandaríkjanna í nafni
embættisins. Erkibiskupinn vissi vel um
aðgangshörku bandarískra blaðamanna
og var því var um sig þegar hann steig á
land í Bandaríkjunum. Að sjálfsögðu
þyrptust blaðamenn að honum og sá
fyrsti spurði: „Ætlar erkibiskupinn á næt-
urklúbb í New York?“
Erkibiskupinn var sem fyrr segir mjög
varkár og vandaði því til svarsins og
sagði: „Eru næturklúbbar í New York?“
Fyrirsögnin á frétt fyrrnefnds blaða-
manns var svohljóðandi: Eru nætur-
klúbbar í New York? var það fyrsta sem
erkibiskupinn spurði um er hann steig
fæti á land í Bandaríkjunum.
En látum raupi og rissi lokið að sinni.
VIKAN 13