Vikan - 07.09.1989, Blaðsíða 56

Skjálfandafljót er ijórða lengsta vatnsfall landsins og í því eru nokkrir fossar.
SKJÁLFANDAFLJÓT
Magnþrungid eg mérautt
* ferðalögum er gjarnan
A einhver af þekktari
stöðum landsins
JL hafður sem ákvörð-
unarstaður. Hins vegar má oft
finna skemmtileg útivistar-
svæði þar sem menn eiga síst
von á. Nágrenni Skjálfanda-
fljóts í S-Þingeyjarsýslu heillar
ef til vill ekki við fyrstu sýn,
áin magnþrungin og mórauð. í
nágrenni fljótsins eru hins veg-
ar fjölmargir skemmtilegir úti-
vistarstaðir og er vel þess virði
að eyða degi eða dögum í
skoðunarferðir þar, hvort sem
er á öræfúnum ofan byggða, í
Bárðardal eða sveitunum þar
neðan við. Nokkra daga tæki
að skoða allt nágrenni fljótsins
enda svæðið stórt. Skjálfanda-
fljót er fjórða lengsta vatnsfall
landsins, 180 km að lengd.
Frá Vatnajökli norðvestan-
verðum falla nokkrar smáar
jökulár er sameinast í Vonar-
skarði og mynda upphaf Skjálf-
andafljóts. Vonarskarð liggur
milli Tungnafellsjökuls og
Vatnajökuls. Skarðið er 12—15
km breitt milli jökla og er kjör-
inn staður þeim er una sér í
auðn milli jökla.
Suðvestan Tungnafellsjökuls
liggur Nýidalur í víðum boga.
Efstu drög dalsins ná alllangt
inn með undirhlíðum jökuls-
ins og má ganga þangað úr
Vonarskarði. í mynni dalsins
eru sæluhús Ferðafélags
íslands.
Bárðardalur er einn af
lengstu dölum landsins, frem-
ur mjór, milli eins og tveggja
kílómetra breiður, með grón-
um og klettalausum en brött-
um hlíðum. Undirlendið er til-
tölulega flatt. Dalurinn er
hallalítill, hæðarmunur nyrstu
og syðstu bæja í sjálfum daln-
TEXTI OG MYND:
BJÖRN HRÓARSSON
JARÐFRÆÐINGUR
um er um 115 m. Suður af
Bárðardal eru bæir sem til
hans teljast, efst Svartárkot í
400 m y. sjó.
ísland hefur af mörgu að
státa er telst til náttúruprýði.
Eitt af því er mikill fjöldi og
fjölbreytileiki fossa, svo að
vart mun nokkurt annað land
komast þar til jafns. í Skjálf-
andafljóti eru nokkrir fossar.
Þekktastir eru Aldeyjarfoss,
Ingvarafoss og Hrafhabjarga-
foss ofan byggða, en Goðafoss,
Barnafoss og Ullarfoss niðri í
sveit.
Þekktastur fossanna er
Goðafoss, bæði vegna sögu
sinnar og staðsetningar rétt
við hringveginn. Aldeyjarfoss
er einn af fegurri fossum lands-
ins og er stutt ofan byggðar í
Bárðardal. Fossinn steypist
niður í mikinn stuðlabergs-
ketil. Barnafoss er þar sem
fljótið fellur í þrengslum ffam
af Þingey niður í mikið gljúfur,
vestan utanverðrar Þingeyjar.
Til ferðalaga í Þingeyjar-
sýslu má nefna glæsilega staði,
svo sem Öskju, Herðubreiðar-
lindir, Mývatnssveit, Jökulsár-
gljúfúr, Hljóðakletta, Ásbyrgi og
marga aðra þekkta staði. Eng-
inn skyldi þó gleyma nágrenni
Skjálfandafljóts, svo sem
Vonarskarði, Fljótsgiljunum,
Hrafhabjargafossi, Aldeyjar-
fossi, Halldórsstaðaskógi, Sex-
hólagili, Goðafossi, Barnafossi,
Ullarfossi, Skipapolli, Þingey,
Fossselsskógi, Ystafellsskógi
og fjölda annarra staða er eiga
stóran þátt í að gera ísland að
þeirri náttúruparadís sem raun
ber vitni.
ÚTIVERA
54 VIKAN 18. TBL. 1989