Vikan - 07.09.1989, Qupperneq 54

DRAUNUR
MINNISSTÆÐIR
DRAIIMAR
Vikan tekur að nýju til við draumaráðningar
Kœri draumráðandi,
mig langar að biðja þig að ráða nokkra
drauma sem mig dreymdi á síðastliðnu ári
og eru mér mjög minnisstæðir.
1) Mér fannst ég vera staddur að degi til
fyrir utan háhýsi er ég bjó í uppi í Breið-
holti og var sjór kominn alveg upp að hús-
inu. Þarna var gamall sterklegur og þéttur
maður kominn á bát og ætlaði ég með
honum. Þegar ég er kominn upp í bátinn
lít ég yfir Reykjavík og finnst mér borgin
vera öll í eyði. Mér er eitt hús minnisstætt
sem ég sá en ég gerði mér ekki grein fyrir
hvort þetta var áburðarverksmiðjan eða
verksmiðjuhús. Því næst horfði ég til baka
í átt að þessu háliýsi og sá að allir glugg-
arnir á íbúð minni voru auðir.
Ég tek fram að þegar mig dreymdi þenn-
an draum bjó ég í þessu háhýsi en nú er ég
fluttur þaðan.
RÁÐNING
Flóð er tákn um uppnám og mikla starf-
semi undirmeðvitundarinnar en draumar
um flóð eru oft undanfarar mikilla breyt-
inga. Það er greinilegt að viskan (í mynd
eldra mannsins sem er svo sterklegur)
bjargar þér úr kreppu sem þú ert kominn
í og fær þig til þess að líta á borgina sem
eyðilega, tóma og ómanneskjulega. Spurn-
ingin er hvort flutningurinn hafi nægt til
þess að leysa kreppuna.
2) Mig dreymdi að bróðir minn og fjöl-
skyldur okkar vorum á ferðalagi uppi á
hálendinu. Mér fannst annar bíllinn festast.
Bróðir minn sest undir stýri og reynir að
ná bílnum upp, það tekst og hann heldur
áfram. Mér fannst bíllinn vera rauður jeppi
en sá er ég ók var grænn. Mér fannst bróð-
ir minn keyra mjög hratt og þótt ég reyndi
að ná honum tókst mér það ekki. Því næst
keyri ég hratt að beygju þar sem brú er og
skáli og vatn. Ofan í vatninu lá rauði jepp-,
inn sem bróðir minn ók og var mér sagt að
maðurinn væri látinn, illa farinn og ekki
hægt að greina hver hann væri.
RÁÐNING
Hér er greinilega um kreppu að ræða og
hugsanlega lausn hennar. Erfitt er að vita
ekki hvenær í rás atburðanna draumurinn
kom. Engu að síður má sjá að bróðir þinn
hefúr það af að brjóta upp stíflu eða leysa
úr máli sem er fast. Hins vegar er hann
fullur orku og anar áfram, en þú (á græn-
um bíl) ert minna virkur, rólegri og var-
kárari. Þú flýtir þér til þess að ná honum
en hann er of fljótur. Þetta veldur þér
áhyggjum og vekur e.t.v. upp dulda reiði.
Endalok hans í ánni (þú afneitar allri
ábyrgð á illvilja gagnvart honum með því
að ekki er hægt að greina hvort það er í
raun og veru hann ofan í ánni) geta verið
áhyggjur af honum eða aðvörun um að
hans aðferðir, þótt gagnlegar séu að vissu
marki, séu ekki endilega besta langtíma-
lausnin á vandamálunum. Ef til vill er best
að þú ráðir hraðanum sjálfur. Eru þeir sem
næstir þér eru að ætlast til að þú sért öðru-
vísi en þú ert?
3) Mig dreymdi að ég og sambýliskona
mín værum að aka bifreið á Nýbýlavegi í
myrkri. Mér fannst allt í einu ég sjá dökkt
konuandlit koma á móti okkur og yfirtaka
allt útsýnið yfir veginn. Ég aðvaraði sam-
býliskonu mína en hún sá ekkert.
RÁÐNING
Dökka konan er skuggalilið kvenlilutans
í þér. Það sem bendir til þess er að hún er
dökk, það er myrkur og að hún byrgir þér
auk þess sýn yfir veginn frarn á við (lífsins
veg). Auðvitað sér sambýliskona þín ekki
þessa kvenveru. Hún býr innra með þér og
hefúr greinilega verið vanrækt. Þú mátt
ekki ætlast til þess að sambýliskona þín
takist á við kvenveruna í þér, þvert á móti
þarft þú að takast á við hana, vingast við
hana og sættast. Að öðrum kosti er hætt
við því að þú sjáir sambýliskonu þína í
gegnum dökka grímu þessarar kvenliliðar
í þér. Það er eðlilegt að karlmenn fari fyrr
eða síðar að bæta upp þær blíðari og um-
hyggjusamari hliðar á sér sem ekki hafa
fengið að tjá sig á yngri árum.
4) Á vinnustað mínum fannst mér ég sitja
við skrifborð mitt og fyrir framan það voru
tveir menn að tala saman. Mér finnst allt í
einu kona með lítið barn koma inn. Konan
sveif eins og hún væri framliðin. Konan
réttir mér höndina og biður mig að koma
með sér. Ég svaraði strax: „En ef ég vil ekki
koma.“
RÁÐNING
Þessi er í raun eins konar framhald af
fýrra draumi, enda grunar mig, úr því að
þig dreymir svona drauma á annað borð,
að þú munir geta fýlgst með þroska þínum
gegnum ffamvindu þessara drauma.
Draumar okkar reyna í mörgum mismun-
andi myndum að tjá okkur í hverju vanda-
málin liggja. Mig grunar að þú sért óróleg-
ur yfir þessum draumi og lítir á hann sem
feigðarboða. Það er óþarfi. Að vísu felst í
öllum breytingum á sjálfúm manni dauði
einhvers óþarfs hluta af sálarlífinu, aðal-
lega úreltra tilfinninga og venja. Konan er
hér móðurleg og litli drengurinn ert þú.
Hún biður þig, og nú á annan hátt, að taka
eftir sér og vinna með sér til þess að þú
megir vera heill.
5) Á vinnustað mínum fannst mér eitur-
slanga hafa sloppið í loffræstikerfi hússins.
Ég segi við starfsfólkið að við verðum að
ná slöngunni út, en enginn aðhefst neitt.
Ég fer af stað og Ieita og finnst mér þá
snákur, sem var í loftræstistút í einni deild
fyrirtækisins, bíta í hendi mína og allt í
einu eru snákarnir orðnir fleiri í loftræsti-
kerfinu. Ég kallaði til starfsfólksins eftir
hjálp, en enginn gerir neitt. Mér er minn-
isstæð ein kona, sem heitir sama nafni og
sambýliskona mín, sem gerði sig líklega til
þess að hjálpa mér í fýrstu en svo var eins
og hún hætti við.
RÁÐNING
Enn er á ferð kreppan sem hefur verið
augljós í öllum draumunum. Þér finnst þú
vera í ormagryfju og hafir sært einn þeirra
sem í kringum þig eru. Enginn tekur mark
á angist þinni. Þessir draumar eru algengir
og benda enn einu sinni á að það er maður
sjálfur sem er að berjast við miklar sálar-
legar breytingar. Höggormar eru afar
hættuleg kvikindi. Finnst þér e.t.v. and-
rúmsloftið óhreint á vinnustaðnum? Eða
finnst þér þú ekki geta andað þarna, ekki
notið þín? Ef til vill þarf að komast á betra
jafnvægi milli vinnustaðar þíns og þess
sem er listrænt, umliyggjusamt og þurf-
andi fýrir hlýju. Sambýliskona þín á ekki
auðvelt með að hjálpa þér, enda er þetta
þín ákvörðun, þinn þroski og þitt líf. Ef þú
ert við góða heilsu þarftu ekki að kvíða
þessum draumum, heldur gleðjast yfir því
að þrátt fýrir erfitt tímabil séu draumar
þínir að benda þér á leiðir út úr kreppunni
sem fylgir breyttum þroska.
52 VIKAN 18.TBL. 1989