Vikan - 19.04.1990, Blaðsíða 14

SAMANTEKT: GUÐMUNDUR SIGURFREYR JÓNASSON
Snæfellsjökull er baöaöur birtu sem séstfrá Reykjavík, um 120-140 km í beinni loftlínu, hvernig sem viðrar. Erla segirað þegar einstaklingar nái
sambandi viö Ijósiö í jöklinum séu áhrifin bjartur upphafinn fögnuður, djúp lotning og sterkt samband við landið.
DULSKYNJANIR
ERLU STEFÁNSDÓTTUR
HEIMILDAGREIN ER SEGIR FRÁ HEIMUM HANDAN HEFÐBUNDINNAR SKYNJUNAR
Fyrir átján árum fylgdi ég móöur minni á
fund sem haldinn var f Tónlistarskóla
Akraness. Þar sat ég meðal hóps fólks
og hlustaði á frásögn um efni sem vakti óskipta
athygli viðstaddra. Ræðumaður greindi frá ný-
legum rannsóknum á sviði fyrirburðasáifræði.
Hann sagði frá því að vísindamenn hefðu upp-
götvað segulmögnuð svið umhverfis líkamann
og nefndi dæmi um íslenska konu sem í ára-
raðir hafði teiknaö myndir af orkuhjúpum sem
hún sá umhverfis fólk. Fundarmönnum þótti
auöheyrilega mikið undrunarefni að hér á landi
skyldi finnast manneskja sem væri gædd þeim
gáfum aö skynja útgeislun lífvera. Fyrirlesari
sýndi myndir af árum sem konan hafði teiknað
og tók fram að hún vildi ekki láta nafns síns
getið. Fjöldi íslendinga beinir nú athygli sinni
að andlegum málefnum og nú er hægt að
ræða berort um þessa hluti. Erlendis hefur
þessi hreyfing til hins yfirskilvitlega og sam-
mannlega, yfirleitt nefnd nýaldarhreyfingin, átt
vaxandi gengi að fagna. Sumir telja að hún eigi
eftir að valda gagngerum breytingum á lífsstíl
og hugsunarhætti fólks þegar fram í sækir. Ég
veit ekki hvort þessi umskipti hafa orðið til þess
að Erla Stefánsdóttir ákvað að ræöa opinskátt
um reynslu sína en hitt er víst að nú fer ekki
tvennum sögum af því hver hún er.
Undanfarin ár hefur Erla, ásamt manni
sínum, Erni Guðmundssyni, leitt námskeið
sem bera yfirskriftina „Innri gerð mannsins og
hulin öfl náttúrunnar". Þar hefur fólki gefist
kostur á að kanna breytanleika eigin vitundar
og kynnst heimssýn sem er víðfeðmari en
flestir eiga að venjast. Ríkissjónvarpið gerði
mynd um álfa undir leiðsögn Erlu og viðtöl hafa
birst við hana í dagblöðum og tímaritum. Hún
hefur haldið erindi um dulhæfni sína og kynni
af heimum sem eru handan við veröld hefð-
bundinnar skynjunar.
SKYNHÆFILEIKAR Á HÁU STIGI
Strax á barnsaldri varð Erlu eðlilegt að sjá
árur og orkustöðvar mannsins, einnig orkusvið
í kringum jurtir og dýr og aðra útgeislun efnis.
í upphafi gerði hún ekki alltaf greinarmun á því
sem við hin sáum og þeim heimi sem hún
\
14 VIKAN 8. TBL. 1990