Vikan - 04.11.1993, Síða 45

o
c
%
~7
alþjóðlegur fyrirlesari. í fyrirlestri sínum mun
hann gera grein fyrir endurbyggingu hersins á
geimskipinu sem brotlenti, auk þess að fjalla
um sögu fljúgandi furðuhluta á jörðinni.
Virgil Armstrong er fyrrverandi majór í upp-
lýsingadeild CIA. Hann er sérfróður um flest
svið fljúgandi furðuhluta. í fyrirlestri sínum
mun hann fjalla um á hvern hátt tilvist þeirra
hefur haft áhrif á mannkynið.
Colin Andrews er í yfirstjórn stofnunar um
ræktun og áhrif ræktunar á mannkyn. Hann
starfar jafnframt sem rithöfundur og er alþjóð-
legur fyrirlesari. Colin Andrews er talinn einn
helsti sérfræðingur samtímans um geimverur
og framandi geimskip. í umfjöllun sinni tekur
hann til meðferðar ýmis tákn og kennileiti sem
talið er að geimverur hafi skilið eftir sig víðs
vegar um heim. Andrews mun í þessu sam-
bandi til dæmis fjalla um undarleg ummerki
sem fundist hafa á kornökrum í ýmsum lönd-
um.
Michael Hesemann er kunnur rannsóknar-
maður og útgefandi efnis um fljúgandi furðu-
hluti. Hann er ritstjóri German Magazine og
starfar sem rithöfundur og alþjóðlegur fyrir-
lesari. Á ráðstefnunni fjallar Hesemann um
óþekkt loftför frá margvíslegum sjónarhornum
og hvernig þau hafa birst mönnum á hinum
ýmsu stöðum heims. Hann mun einnig sýna
Ijósmyndir og myndbönd sem tekin hafa verið
af meintum geimförum.
Christa Tilton er ein þeirra sem hafa lent í
þeirri lífsreynslu að vera tekin um borð í geim-
skip. í fyrirlestri sínum mun hún fjalla um
þennan atburð og þær rannsóknir sem hún og
fleiri aðilar gerðu í kjölfarið.
Graham Birdsall er ritstjóri eins virtasta
tímarits Evrópu um fljúgandi furðuhluti. Hann
er heimsþekktur fyrirlesari og rannsóknar-
maður. í fyrirlestri sínum mun Birdsall fjalla
um afar fullkominn tæknibúnað flughersins og
á hvern hátt hann er notaður í tengslum við
rannsóknir á fijúgandi furðuhlutum. Hann
mun aukin heldur greina frá frásögnum og
leyniskjölum hersins varðandi torkennileg
loftför.
BIRTAST GEIMVERURNAR
UNDIR SNÆFELLSJÖKLI?
Það er vissulega fagnaðarefni að íslendingum
skuli gefast kostur á að hlýða á marga af
þekktustu rannsóknarmönnum sem nú eru
uppi í heiminum og fást við geimverur og
fljúgandi furðuhluti. Það eru þó smámunir ein-
ir miðað við það sem vænta má á Snæfells-
neshluta ráðstefnunnar. Föstudaginn 5. nóv-
ember, á miðdegi ráðstefnunnar, verður hald-
ið upp að Snæfellsjökli til móts við geimverur
sem, ef marka má Michael N. Dillon, hafa
boðað komu sína þangað.
Flestir eiga eflaust örðugt með að trúa því
að vitsmunaverur utan úr geimnum birtist þar
opinberlega í fyrsta sinn. Þeir sem eru á báð-
um áttum meðal áhugamanna um geimverur
og yfirskilvitleg fyrirbæri hafa á hinn bóginn
fullyrt að téðar geimverur muni birtast á hug-
lægu sviði og verða þar með einvörðungu
sýnilegar þeim sem búa yfir skyggnigáfu eða
öðrum dulrænum hæfileikum. Vitnisburður af
því tagi er þó ekki annað en útúrsnúningur því
annaðhvort mæta geimverurnar eða þær
mæta alls ekki. Ef nærvera þeirra yrði ein-
göngu merkjanleg fáum útvöldum er varla
hægt að standa fastar á því en fótunum að ut-
anjarðarverur hafi í raun komið til fundarins.
Þorsteinn Barðason segir um þennan
hnykk hinar alþjóðlegu ráðstefnu um geimver-
ur og fljúgandi furðuhluti: „Ég er ekki viss um
að nokkur okkar geri sér grein fyrir því hvaða
þýðingu það hefði fyrir framtíð mannkyns á
jörðunni ef þetta gerðist í raun og veru. Öll
samfélög þyrftu að endurskoða afstöðu sína
til lífsins og tilverunnar, trúarbrögð myndu um-
turnast og ný koma í staðinn. Flestir vísinda-
menn þyrftu að endurskoða allan lærdóm sinn
og þekkingu og nýjar skilgreiningar um tíma
og rúm yrðu til. Við værum ekki lengur ein í
heiminum.11 □
22.TBL. 1993 VIKAN 45