Vikan - 16.02.1999, Qupperneq 55

Kona Vikunnar
...fallegu bókinni „Ljóð í lykkjum. Flíkur til að prjóna“
eftir Solveigu Hisdal. PP Forlag, Ármúla, gefur bókina
út en hún á eftir að gefa öllu hannyrðafólki og
hönnuðum innblástur. Fallegar flíkur, einstakir litir og
góð myndataka gerir bókina eigulega.
Ekki missa af...The Alienist
eftir Caleb Carr. Þetta er frábærlega
spennandi sakamálasaga sem gerist í New York
t fyrir aldamótin síðustu. Nútímarannsóknartækni er
ryðja sér til rúms hægt og hægt og mönnum er að
nast ný þekking á sálarlífi mannsins. Fjöldamorðingi
tgur laus og nokkrar ákaflega ólíkar manneskjur
ma saman og leysa málið. Öll eiga þau það þó sam-
eiginlegt að fara ekki troðnar slóðir í viðhorfum
sínum og lífsmáta.
... Að fara í sparifötin og
mála þig einhvern tíma
þótt þú ætlir bara að
skreppa í búðir eða
heimsækja einhvern sem
þú þekkir vel. Kannski
færðu óvænt hrós sem
gleður þig mikið og jafn-
vel þótt það gerist ekki
þá mun þér líða vel.
Þóra Guðmundsdóttir,
framkvæmdastjóri flugfélagsins
Atlanta, er einhver mesta
kjarnorkukona landsins. Hún og
eiginmaður hennar Arngrímur
Jónsson hafa byggt fyrirtækið upp
frá grunni og reka það í sameiningu.
I mars fer Þora utan og tekur við
titlinum “framsæknasti frumkvöðull
meðal evrópskra kvenna”.
1. Hvað gerir þig glaða?
Það þarf lítið til að gera mig glaða. Það sem gerir
mig mest glaða er að fjölskylda mín er heilbrigð og
hamingjusöm, þá er svo stutt í brosið og jákvæðnina.
2. Hvað gerir þig leiða?
Ofriður og valdatafl sem ríkir víða í heiminum og
bitnar á saklausu fólki.
3. Hvar líður þér best?
Tvímælalaust heima hjá mér.
4. Hvers gætir þú síst verið
án í lífinu?
Ég á mann og börn og get síst verið án þeirra.
5. Hvað fer mest í taugarnar á þér?
Neikvætt fólk.
6. Hvað líkar þér best í fari fólks?
Að fólk sé heiðarlegt og jákvætt.
7. Hverju vildir þú helst breyta
í lífi þínu ef þú ættir þess kost?
Engu. Lífið er til að takast á við það.
Vikan R|