Vikan - 15.03.1999, Qupperneq 51

„Illugi stcndur sig vel!“ segir Inga Þóra sem
hvetur stelpur til að taka þátt í keppninni
r “qfí.
"?!< ri
rriTfcr i
Inga Þóra Ingvarsdóttir, sem ásamt félögum sínum keppir fyrir hönd Menntaskólans við
Hamrahlíð í spurningakeppni framhaldsskólanna Gettu betur, á ekki í vandræðum með að
svara spurningum llluga Jökulssonar í keppninni. Sjónvarpsáhorfendur halda niðri í sér
andanum meðan Inga Þóra svarar viðstöðulaust hverri spurningunni á fætur annarri.
Hvernig er það, Inga
Þóra, ertu með al-
gjöran límheila?
„Ekki vil ég nú segja það en
ég er haldin mikilli fróð-
leiksfýsn og les mikið. Ég
les eiginlega allt sem á vegi
mínum verður; fræðibækur,
skáldsögur og tímarit. Ég
hef mikinn áhuga á bók-
menntum og listum. Ég
hlusta líka mikið á tónlist
og eiginlega má kalla mig
algjöra alætu á tónlist. Mest
hlusta ég á klassíska tónlist
og eldri dægurtónlist.“
Inga Þóra gerir ekki mik-
ið úr áhuga sínum á íþrótt-
um þótt það vefjist ekki fyr-
ir henni að svara spurning-
um þeim tengdum. „Ég gef
mig nú ekki út fyrir að vera
áhugamanneskja um íþrótt-
ir. Það sem ég veit um þær
er svona eitthvað sem hefur
síast inn. Ég var ekki í
íþróttum sem stelpa, aftur á
móti var ég í myndlistar-
skóla.“
Inga Þóra er dóttir þeirra
Ingvars Christiansens,
birgðavarðar hjá Orkuveitu
Reykjavíkur, og Gíslínu
Björnsdóttur gjaldkera.
Hún á eina hálfsystur. Hún
segir að stundum hafi verið
spilað Trivial Persuit á
heimilinu en áhuginn á
spurningakeppnum sé nú
ekkert endilega þaðan
runninn. „Ég tók nú bara
þátt í keppninni upp á mitt
einsdæmi.'1
Þetta er fjórða árið sem
hún tekur þátt í keppninni
en hún hefur
keppt fyrir hönd
MH frá því hún
var á fyrsta
námsári. „Fyrsta
árið var ég
voðalega
stressuð en það
hefur minnkað
með hverju ár-
inu. Annars
verður að vera
svolítið stress í
gangi, ekki
gengur að sofna
yfir spurningun-
um! Én þarna
verður að finna
hárrétt jafnvægi því of mik-
ið stress getur skaðað.“
Nú er það staðreynd að
fáar stelpur taka þátt í
keppninni og Inga Þóra seg-
ir ástæðuna líklega vera þá
að ennþá hafi stelpur ekki
nógu mikla trú á sér. „En ég
skora á þær að verða virk-
ari. Það er mjög skemmti-
legt að taka þátt í keppni
sem þessari og þetta er frá-
bær félagsskapur. Það verð-
ur að viðurkennast að þetta
er mikil vinna, við byrjum í
ströngum æfingum upp úr
áramótum en undirbúnings-
vinnan hefst strax að hausti
til. Ég viðurkenni að þetta
tekur mikinn tíma frá nám-
inu og maður verður að
gæta þess að láta ekki nám-
ið líða fyrir þetta. Þarna er
aftur spurning um rétta
jafnvægið.“
Því hefur verið haldið
fram að spurningarnar séu
óvenju erfiðar í ár en Inga
Þóra tekur ekki undir það.
„Ég heyrði talað um það í
fyrstu keppninni í átta liða
úrslitunum en að mínu mati
eru spurningarnar skemmti-
legar og mjög vel skrifaðar.
Illugi stendur sig vel!“
Þegar Inga Þóra á frí-
stundir frá náminu og
keppninni fer hún út á lífið
með vinum sínum en oftar
en ekki slappar hún af yfir
góðri bók eða
góðri tónlist. Hún
er ólofuð og seg-
ist eiga fáa en
mjög góða vini.
Hún segist ekki
hafa mikinn
áhuga á tískunni
og klæðist ein-
göngu því sem
henni líður vel í.
Inga Þóra tekur
stúdentspróf í vor
og er ekki alveg
viss um hvað þá
tekur við. „Ég
stefni á háskóla-
nám og það er
ýmislegt sem kemur til
greina. Nám í listfræði er
mér ofarlega í huga.“
Það verður spennandi að
fylgjast með úrslitum
keppninnar, en henni lýkur í
lok mars.
Vinningsliðið hlýtur að
launum ferð til Barcelona.
„Auðvitað stefnum við að
sigri og það væri ekkert að
því að spóka sig um í
Barcelona í sumar!“
Vikan 51
Texti: Þórunn Stefánsdóttir
Mynd: Gísli Egill Hrafnsson