Vikan - 26.10.1999, Blaðsíða 8

'A j \ M
9\ •»- , •— ' LmJr
meðan vöðvarnir eru að styrkj-
ast.
Varðandi mataræði þá eru
margar kenningar uppi um
hvernig best sé að borða. Ég
held að fólk þurfi bara að vera
svolítið meðvitað um hvað það
setur ofan í sig og það á frekar
að borða lítið í einu og oftar."
Þeir eru margir sem veigra
sér við að byrja vegna þess að
það kostar töluvert mikið
kaupa sér kort í líkamsrækt.
Hvað getur þú ráðlagt þeim?
„Það er hægt að stunda
margs konar líkamsrækt fyrir
utan heilsuræktarstöðvarnar.
Þeir eru margir sem eru í topp-
formi en hafa aldrei komið inn
á líkamsræktarstöð. Það er
hægt að hlaupa, ganga, synda,
skella sér á skíði o.s.frv. Bara að
koma sér af stað og vera dug-
legur að viðhalda því."
Eftirminnilegt krýning-
arkvöld
Hvernig gengur að vinna
saman í fjölskyldufyrirtæki?
„Það gengur bara ótrúlega
vel. Við reynum að haga okkur
þannig að þótt við séum systk-
ini þá erum við líka að reka fyr-
irtæki. Við erum ófeimin að tjá
okkur, ég hugsa ekki með mér
að ég vilji ekki segja eitthvað
við Lindu svo hún verði ekki
fúl. Ég held að þetta gangi bara
vel hjá okkur að vera samstarfs-
menn á daginn og systkin á
kvöldin. Við reynum að hafa
þetta eins aðskilið og við get-
um.
Elsti bróðir okkar er stjórn-
arformaður fyrirtækisins og við
höldum símafund með honum
a.m.k á tveggja vikna fresti svo
hann geti fylgst með því hvað er
að gerast hjá okkur. Við fáum
ekki bara að eyða peningunum
hans!
Foreldrar okkar búa í Gríms-
nesinu og pabbi hefur öll sam-
skipti við okkur í gegnum tölvu
og síma. Hann er hérna einn
morgun í viku og sér þá um að
greiða reikinga og annað slíkt
sem kemur upp."
Manstu vel eftir því þegar
systir þín var kosin ungfrú
heimur?
„Já, það er ógleymanlegt. Við
vorum öll fjölskyldan í Royal
Albert Hall og fylgdumst með
keppninni. Daginn eftir var
Lindu fagnað eins og kvik-
myndastjörnu og alls staðar
beðin um eiginhandaráritanir.
Við höfðum litla hugmynd um
hversu umfangsmikil keppnin
væri og að hún væri orðin svona
fræg. Eftir að hún kom heim
varð hún strax þekkt og stans-
laust í auglýsingum fyrir hin og
þessi fyrirtæki. Hún hefur auð-
vitað verið mjög mikið í fjöl-
miðlum allar götur síðan.
Hvernig tóku vinir þínir þess-
um nýju fréttum?
„Vinir mínir á Vopnafirði
tóku þessu vel og þar þekktu
hana alla. Það hefði sjálfsagt
verið öðruvísi ef við hefðum
búið í Reykjavík á þessum tíma.
Ég hef nú nokkrum sinnum lent
í því að þegar ég kem inn í nýj-
an hóp og kynni mig sem Sævar
Pétursson. Síðan líða kannski 3-
4 vikur og þá kemst einhver að
því að ég er bróðir Lindu Pé. Þá
hefur heyrst: „Af hverju sagðir
þú okkur ekki að hún væri syst-
ir þín!"
Sævari er greinilega skemmt
yfir því að fólk skuli endilega
vilja setja þau systkin undir
sama hatt.
Hver eru nú helstu áhugamál
þín?
„Ég hef mikinn áhuga á öll-
um íþróttum. Ég spila knatt-
spyrnu með Fram í sumar og
það er tímafrekt. Ég er kominn
með snert af golfbakteríunni en
í rauninni hef ég lítinn tíma til
að sinna tímafrekum áhugamál-
um þegar svona mikill tími fer í
vinnuna og fótboltann. Þegar
ég vil virkilega slaka á horfi ég
gjarnan á góða kvikmynd og ég
get nú reyndar bætt kvikmynd-
um á áhugamálalistann."
Hvernig er nú að vera eini
karlmaðurinn í Baðhúsinu?
„Mér finnst það bara fínt. Ég
Samstarfskonur Sævars í
Baðhúsinu er með ein-
dæmum hressar konur.
er búinn að vera svo lengi að ég
held að konurnar séu farnar að
líta á mig sem húsgagn hérna á
staðnum, ég er hættur að vera
karlmaður í þeirra augum. Ég
tók sérstaklega eftir því fyrst að
konurnar voru hálf vandræða-
legar þegar þær sáu mig og fóru
að spyrja hvað ég væri að gera.
Þær vöndust mér fljótt og ég
held að það hafi enginn þeirra
hætt vegna veru minnar á
staðnum.
Ég kann bara prýðilega við
að starfa með öllum þessum
konum og það hefur gengið
mjög vel. Reyndar er nú annar
karlmaður sem starfar hérna í
Baðhúsinu, hann kennir jóga en
kemur bara tvisvar í viku og fer
þá beint inn í salinn. Konurnar
verða lítið varar við nærveru
hans nema bara þær sem eru í
tímum hjá honum. Ég held að
samstarfskonur mínar séu líka
sáttar við veru mína á staðnum,
reyndar tek ég stundum eftir
því að það slær þögn á hópinn í
kaffistofunni þegar ég geng inn.
Þá geng ég út frá því að þar hafi
einhver kvennamálefni verið til
umræðu. Ég fæ mína útrás við
að spjalla við strákana í fótbolt-
anum, það myndar gott mót-
vægi."
Ég frétti nú reyndar að þú
hefðir verið kosinn herra
grunnskóli Vopnafjarðar eftir
að systir þín varð ungfrú heim-
ur. Var það draumurinn að feta
í fótspor hennar?
„Hvar í ósköpunum grófstu
það upp! Ég held að sú kosning
hafi bara verið vegna þess að
hún varð ungfrú heimur. Ég
veit ekki til þess að herra og
ungfrú grunnskóli Vopnafjarðar
hafi verið krýnd áður en þetta
gerðist. Það greip um sig því-
líkt æði á Vopnafirði að ég held
að það hafi meira segja verið
kosin herra og ungfrú frysti-
hús!"
„Síðan líða kannski 3-4 vikur og þá kemst einhver að því að ég
er bróðir Lindu Pé. Þá heyrist gjarnan: „Af hverju sagðir þú
okkur ekki strax að hún væri systir þín!"
8 Vikan