Vikan - 13.06.2000, Blaðsíða 4

Kæri lesandí
Börnin og sumarið
að er stutt síðan að skól-
um landsins var slitið og
börnin þustu út, frjáls og ham-
ingjusöm, eins og kýrnar á vor-
in. Langþreytt á nístingsköld-
um vetri fögnuðu þau betri tíð
með blóm (og á stöku stað
grasi) í haga. Reiðhjólin voru
rifin út úr geymslunum og
pússuð og bónuð afákafa og
línuskautarnir prufukeyrðir.
„Pólfaravetrargallar“ litlu kríl-
anna, lopaklœðnaður og loð-
fóðraðir kuldaskór fóru bein-
ustu leið inn í geymslu og mega
dúsa þar sem lengst.
Börnin okkar eru orðin þreytt
þegar skólanum lýkur í lok
maímánaðar. Pau hafa sótt
skólann sleitulaust í 9 mánuði,
verið rifin upp fyrir allar aldir í
kolniðamyrkri og kulda og
strekkst svo í skólann, oft í
byljandi stormi og óveðri. Þau
eru orðin eins og lúnir verka-
menn þegar sumarið loksins
ber að dyrum. En þá tekur oft
við annað vandamál, en það er
hvernig á að hafa ofan affyrir
blessuðum börnunum yfir
sumartímann þegar langflestir
foreldrar vinna fullan vinnu-
dag. Börnin eiga nefnilega svo
sannarlega skilið að fá að njóta
sumarleyfis síns.
Iþrótta- og tómstundaráð
Reykjavíkur er alltaf góður
kostur íþessum efnum þar sem
boðið er upp áfjölbreytt og
skemmtilegt sumarstarf fyrir
börn. Umsjón með námskeið-
unum er í höndum fagfólks
með mikla reynslu afbarna- og
unglingastarfi og leiðbeinendur
leggja höfuðáherslu á að börn-
unum líði vel. I félagsmið-
stöðvum er boðið upp áfjöl-
breytta dagskrá allan daginn
þar sem áherslan er lögð á fjöl-
breytni og skapandi og þrosk-
andi starf. Flest íþróttafélög
borgarinnar eru með skemmti-
leg námskeið og skátafélögin
eru líka með spennandi litivist-
arnámskeið. Auk þess eru ýms-
ir einkaaðilar með sumardag-
skrá á sínum snœrum, eins og
t.d. Ævintýraland að Reykja-
skóla í Hrútafirði, golfskóli
Golfklúbbs Reykjavíkur,
Brettafélag Reykjavíkur,
Myndlistaskólinn, reiðskólar
og tómstundaskólinn Mímir,
svo fátt eitt sé nefnt. Það er því
úr nógu að velja.
Það er hins vegar spurning
hvort allir foreldrar hafi efni á
að borga leikjanámskeið í 8
vikur, en langflestir útivinn-
andi foreldrar fá um fjögurra
vikna sumarfrí.
Sumarstarf fyrir nýbúa er að-
dáunarvert framtak, en þar er
boðið upp á íslenskunám og
grunnfrœðslu um íslenskt
þjóðfélag. Leikjanámskeiðin
þeirra nefnast „sumarfjör" og
eins og nafnið gefur til kynna
eru þar á ferðinni frábœr og
fjörug námskeið fyrir börnin
sem eru að aðlagast íslensku
samfélagi.
Megi börnin okkar njóta sum-
arsins hamingjusöm og óhult,
Hrund Hauksdóttir,
ritstjóri
Ritstjórar: Jóhanna G. Harðardóttir og Hrund Hauksdóttir,
vikan@frodi.is. Útgefandi: Fróði hf. Seljavegi 2, sími: 515 5500
fax: 515 5599. Stjórnarformaður: Magnús Hreggviðsson.
Aðalritstjóri: Steinar J. Lúðviksson, sími: 515 5515.
Framkvæmdastjóri: Halldóra Viktorsdóttir, simi: 515 5512.
Blaðamenn: Steingerður Steinarsdóttir, Gunnhildur Lily
Magnúsdóttir,
Guðríður Haraldsdóttir og Margrét V. Helgadóttir.
Auglýsingastjórar: Ingunn B. Sigurjónsdóttir og Sigríður
Sigurjónsdóttir
vikanaugl@frodi.is.
Grafískur hönnuður: Guðmundur Ragnar Steingrímsson.
Verð í lausasölu 459 kr. Verð í áskrift ef greitt er með greiðslukorti
344 kr. á eintak.
Ef greitt er með gíróseðli 390 kr. á eintak. Litgreining og
myndvinnsla: Fróði hf. Unnið í Prentsmiðjunni Odda hf. Öll
réttindi áskilin varðandi efni og myndir.
Áskriftarsími:
515 5555