Menntamál - 01.02.1946, Qupperneq 6

2
MENNTAMÁL
að benda á þau og sýna þau almenningi. Svo er um at-
hafnamenn á verklegu sviði, er koma á fót stórvöxnum
fyrirtækjum, er þýðingu hafa fyrir afkomu alþjóðar. Svo
er um vísindamanninn, sem gerir nýjar uppgötvanir, er
öll þjóðin nýtur góðs af. Svo er um bóndann, sem breytir
rýrðarkoti í stórbýli og lætur tvö strá vaxa, þar sem áður
óx eitt. Svo er um sjómanninn, sem með frábærri atorku
sækir gull í greipar hins mislynda Ægis.
Störf í þágu skáldskapar, menningar og lista er aftur
á móti örðugra að meta. Slíkir fjársjóðir og slík arfleifð
verður ekki vegin á sama hátt og hin sýnilegu og stund-
legu gæðin. Skáldrit og listaverk hljóta iðulega ekki rétt-
mæta viðurkenningu fyrr en löngu eftir að höfundarnir
hafa safnazt til feðra sinna. Þó virðist mér, að allra örð-
ugast muni vera það að meta starf presta og kennara
réttilega og að verðleikum. Þeir eru sáðmenn í þann lif-
andi akur, sem vandfarnast er með. Og það er á einskis
manns færi að greina þar á milli hver gróðurinn er sáð-
manninum að þakka sérstaklega og hver akurlendinu
sjálfu, umhverfinu eða þeirri andlegu dögg og foki mis-
jafnra vinda, er aldarstraumurinn ber yfir þjóðlífið á
hverjum tíma.
Einn slíkra sáðmanna er Karl Finnbogason fyrrverandi
skólastjóri á Seyðisfirði. Hann hefur nú nýlega látið af
kennslustörfum, er hann hefur stundað í full fjörutíu ár,
enda orðinn aldraður maður og varð sjötugur þann 29.
desember síðast liðinn. Mun vart leika á tveim tungum
meðal þeirra, sem til þekkja, að hann hafi þar innt af
höndum mikið og merkilegt starf og verið einn af gáfuð-
ustu og mætustu skólamönnum landsins.
Karl Finnbogason er fæddur að Arnstapa í Ljósavatns-
skarði í S.-Þingeyjarsýslu og af gáfuðu fólki kominn í
báðar ættir. Foreldrar hans voru Finnbogi bóndi Finn-
bogason og kona hans Guðrún Jónsdóttir bónda á Belgsá
Jónssonar. Arnstapi er lítið býli, en þar er að mörgu