Menntamál - 01.02.1946, Blaðsíða 8

4
MENNTAMÁL
í þekkingu og fróðleik. Tilveran, umhverfið, mennirnir og
ekki sízt hann sjálfur urðu honum að óteljandi spurningar-
merkjum. Og hann þráði svör.
Hneigðist hugur hans meir og meir til náms og réðst
hann því Gagnfræðaskólann á Möðruvöllum og lauk þaðan
prófi árið 1895. Þarna fékk hann að vísu svör við ýmsum
spurningum sínum, en fleirum var þó enn ósvarað. Næstu
árin stundaði hann barnakennslu í Bárðardal og víðar.
Hann skildi mætavel spurulan hug barnsins og var unun
að veita honum þau svör, er hann sjálfur hafði áður
þráð.
Laust eftir aldamótin 1900 sigldi Karl til Danmerkur
og stundaði þar framhaldsnám, fyrst við Blaagaards Se-
minarium en síðan við Kennaraháskólann í Kaupmanna-
höfn. Eftir það gerðist hann kennari við Gagnfræðaskól-
ann, sem nú var fluttur til Akureyrar frá Möðruvöllum,
en varð árið 1911 skólastjóri við barnaskóla Seyðisfjarðar
og gegndi því starfi alla tíð síðan, unz hann lét af kennslu-
störfum síðastliðið haust. Jafnframt hafði hann skóla
fyrir unglinga flesta vetur. Fljótlega hlóðust þó á hann
fleiri störf. Átti hann sæti í bæjarstjórn Seyðisfjarðar-
kaupstaðar frá 1913 til 1942 eða um 30 ár, var þingmaður
Seyðfirðinga 1914—1916, stofnandi kaupfélags Aust-
fjarða og formaður þess jafnan og stóð yfirleitt framar-
lega eða fremstur í flokki um hvers konar framfara og
viðreisnarmál kaupstaðarins.
Sama árið og hann lauk námi í Kaupmannahöfn, 1908,
kom út eftir hann LandafræÖi handa börnum og ungling-
um, er orðið hefur ein hin vinsælasta kennslubók hér á
landi og verið endurprentuð sjö sinnum. Auk þess hefur
hann ritað margar greinar í blöð og tímarit.
Ég hygg, að ekki sé ofmælt, að Karl Finnbogason hafi
verið einn af þeim eðlisgreindustu mönnum. sem ég hef
kynnzt um dagana. En ekki er gáfum hans þannig háttað,
að hann sé fyrst ög fremst fræðasarpur, sem safnar í