Menntamál - 01.02.1946, Blaðsíða 27

MENNTAMÁL
Áskorun um esperantó
Eins og vikið var að fyrr í þessu hefti, hefur Alþjóða
esperantó-sambandið (Internacia Esperanto-Ligo) hafizt
handa um söfnun undirskrifta undir yfirlýsingu þá, sem
hér fer á eftir:
Ég álít, að innleiðing alþjóðamáls myndi hafa mikla og
hagnýta þýðingu fyrir framfaraveiðleitni mannkynsins
og að hinar SAMEINUÐU ÞJÓÐIR ættu að taka það mál
til alvarlegrar íhugunar.
Ég álít, að álþjóðlegt hjálparmál, sem notað væri jafn-
hliða þjóðtungunum, en kæmi eklci í stað þeirra, sé nauð-
synlegt til þess að auðvelda hvers konar samneyti meðal
þjóðanna og til þess að stuðla að þjóðfélagslegum fram-
förum.
Þar sem esperantó er allmikið notað í öllum löndum
heims og hið eina mál af þessu tagi, sem hlotið hefur veru-
lega útbreiðslu, vona. ég, að liinar SAMEINUÐU ÞJÓÐIR
stuðli á allan hátt að útbreiðslu og notkun þess máls, til
dæmis með því að kenna það í skólum, þar sem hægt er að
fá hæfa kennara til þess, og með notkun þess í ferðalögicm,
alþjóðlegum viðskiptum og bréfaviðskiptum.
Esperantistafélagið Auroro í Reykjavík sér um söfnun
undirskriftanna hér á landi, og hefur það látið prenta
eyðublöð í því skyni og sent þau til ýmissa manna, einkum
kennara, því að hjá þeim væntir stjórn félagsins góðs
skilnings á mikilvægi þess, að esperantó verði tekið upp
sem alþjóðlegt viðskiptamál.
Yfirlýsing þessi eða áskorun er stíluð til hinna sam-