Menntamál - 01.10.1952, Blaðsíða 6

76
MENNTAMÁL
margra þjóða, m. a. voru þar nokkur eintök af Mennta-
málum undir íslenzka fánanum. WOTP hélt sitt þing
í hinu glæsilega gistihúsi Hotel d’Angleterre. Sameigin-
legur fundur allra þriggja sambanda var svo haldinn fyrst
í Kristjánsborgarhöll og síðan í hátíðasal háskólans.
Fulltrúar á þingi FIPESO og IFTA munu hafa verið
um 300, fulltrúar WOTP álíka margir. Frá stórþjóðun-
um komu fjölmennar nefndir, frá hinum minnstu (ís-
landi, Luxenbourg, Möltu) aðeins einn fulltrúi.
ÞINGIÐ SETT.
Fundir FIPESO og IFTA voru að nokkru leyti sam-
eiginlegir, og var þing þeirra sett sameiginlega laugar-
daginn 26. ágúst að viðstöddum kennslumálaráðherra og
öðrum forustumönnum kennslumála Dana. Helztu ræðu-
menn voru þessir: Formaður Kennarasambands Dan-
merkur, Niels Nielsen yfirkennari, bauð fundarmenn vel-
komna og lét að lokum þá ósk í ljós, að hið nýja alþjóða-
samband kennara mætti rækja hlutverk sitt, það að efla
lýðræði, frelsi, réttlæti, frið og mannúð. Næstur talaði
Hans W. Larsen lektor, formaður móttökunefndar mennta-
skólakennara, sem sá um allan undirbúning undir þingið
og veitti þingmönnum alls konar aðstoð, meðan á þing-
inu stóð. Hann gat þess m. a., að þegar þing FIPESO
hefði síðast verið haldið í Kaupmannahöfn sumarið 1939
(ég sat það þá í fyrsta sinn), hefði þáverandi utanríkis-
ráðherra, dr. Munch, óskað þess, að þingið mætti stuðla
að betra skilningi og vináttu milli þjóðanna. Þá hefði að
vísu heimsstyrjöld skollið á rétt á eftir, en samt kvaðst
hann nú endurtaka þessa ósk frá 1939 og vera sann-
færður um, að hún gæti rætzt, ef allir væru nógu sam-
taka. Þá talaði formaður IFTA, Mlle Cavalier frá Frakk-
landi. Hún ræddi um hlutverk samtakanna og um skyld-
ur þjóðfélagsins gagnvart börnunum, hversu áríðandi það
væri, að þau fengi öll kost á því að njóta hæfileika sinna