Menntamál - 01.10.1952, Blaðsíða 26
96
MENNTAMÁL
Streymandi vatn og iðandi lauf sýnir kvikmyndin með
fullri fegurð. í dýrafræðikennslu er kvikmyndin ómetan-
leg; þá skiljum við, þegar við sjáum vaxtarlagið og hreyf-
inguna í einu.
En skuggamyndin er hægari í meðförum, vélin einfald-
ari. Vilji ég sjá einhvern vissan hluta kvikmyndarinnar,
verð ég að renna allri filmunni í gegn. Skuggamynda-
ræmunni renni ég til á nokkrum augnablikum eins og mér
sýnist, og hafi ég hins vegar hverja einstaka mynd í
ramma, get ég tekið hvaða mynd, sem vera skal, og sýnt.
Ég get dvalið eins lengi og rólega við hverja mynd eins og
ég þarf, en úr kvikmyndavélinni koma nýjar myndir oft
eins og skollinn úr sauðarleggnum og trufla mitt tal.
Stöðva má kvikmyndavélina að vísu, en oft hliðra menn
sér hjá því.
Skuggamyndavélin er miklu ódýrari. Til hennar má
grípa fljótlega og nota að fullu gagni aðeins örfáar mínút-
ur. Það er mikill kostur. Skuggamyndin veitir kennaran-
um ágæta þjálfun í að notfæra rétt myndir til kennslu, svo
að hann stendur betur að vígi að sýna kvikmyndir skil-
merkilega. Að nota kvikmyndir gálauslega og skýringar-
laust er að fara illa með góðan hlut.
Ég rekst oft á menn, sem efast um gagnsemi skugga-
myndavélarinnar, af því að fátt muni vera um góðar filmu-
ræmur. En þetta er hin mesta fjarstæða. Það er til heill
hafsjór af filmuræmum til kennslu, 35 mm breiðum, fram-
leiddum í ýmsum löndum. Margar þeirra eru mjög góðar.
Sjálfur á ég á annað hundrað filmuræmur og hef notað
sumar þeirra í mörg ár. Eru um 20—40 myndir í hverri.
Nemendum Kennaraskólans fellur vel að kenna með
skuggamyndum, bæði landafræði og kristin fræði.
Hér hef ég fyrir framan mig verðlista frá tveimur
firmum, í London, „Visual Information Service" og „Com-
mon Ground“. Taka þeir yfir flestar námsgreinar skól-
anna, auk þess ýms önnur fróðleiksefni. Ég nefni hér nokk-