Menntamál - 01.10.1952, Blaðsíða 16

86
MENNTAMÁI.
til skólabyggingar vegna heita vatnsins. Staðurinn hefur
verið allmikið notaður til samkomuhalds undanfarin ár.
Enn þá hafa Dalamenn ekki getað bundizt samtökum um
að nota sér aðstæðurnar á Laugum til úrbóta í miklu
vandamáli sínu.
Einn barnflesti hreppur Dalasýslu hefur verið Saur-
bæjarhreppur. Þar hefur verið kennari um tuttugu ára
skeið frú Júlíana Eiríksdóttir. Maður hennar er Sigurður
Ólafsson og búa þau á Kjarlaksvöllum í Saurbæ. Á undan-
förnum árum var orðið mjög erfitt að koma farskóla
sveitarinnar fyrir. Skólanefndin hafði góðan vilja á að
koma upp heimavistarskóla, en ýmsir örðugleikar voru á,
að fljótt yrði úr leyst. Þau hjón, Júlíana og Sigurður,
byggðu þá upp á jörð sinni, Kjarlaksvöllum, og höfðu
bygginguna á þann veg, að þau gætu tekið að sér skóla-
hald í hreppnum, og boð þeirra um það var þegið af
hreppsbúum. í byggingunni er stofa 5,75 X 3,30 m, nægi-
leg kennslustofa handa þeim börnum, sem þarna dveljast
í einu við nám. Þá eru þarna nægileg herbergi til heima-
vistar. Aðbúð öll og umönnun er til mikillar fyrirmyndar.
Bygging þeirra hjóna er mjög lofsverð og þarf nú skól-
inn ekki næstu ár að vera á hrakhólum. En þó að vel hafi
verið að gert, er þetta ekki endanleg lausn í skólamálum
hreppsbúa. Á Kjarlaksvöllum er skólinn afskekktur, og
þar er ennþá allerfitt til aðdrátta að vetri til. Þá er skól-
anum einungis tryggður verustaður, meðan þau Sigurð-
ur búa þar og frú Júlíana hefur kennsluna á hendi. í
framtíðinni kann skólinn að verða jafnhælislaus og áður,
sé honum ekki tryggt varanlegt húsnæði af réttum
aðilum.
Dalasýsla þarf að eignast heimavistarskóla, og vita-
skuld er svo um fleiri sýslur á Vesturlandi. Mér telst svo
til, að 8—9 heimavistarskóla þurfi til viðbótar við þá,
sem fyrir eru, til þess að allar sveitir á námseftirlitssvæði
Vesturlands hafi öruggan aðgang að skólasetri. Þetta