Menntamál - 01.10.1952, Blaðsíða 9
MENNTAMÁL
79
haldi af honum 9 ára eða 4 ára skóli. I barnaskólanum er
síðasta hálfa mánuðinum varið til allnákvæmrar prófunar,
og börnunum skipt samkvæmt því.
f Sviss er við upptöku í framhaldsskóla eingöngu farið
eftir inntökuprófi.
Fulltrúar ýmissa annara þjóða töluðu einnig, m. a.
Norðurlanda. En ekki er hægt að rekja ræður þeirra hér,
en ræður þeirra verða síðar gefnar út og sendar kennara-
félögum hinna ýmsu landa. Fulltrúi íslands lýsti stuttlega
íslenzka skólakerfinu og þeim vandamálum, er þegar
hefðu komið upp varðandi samband miðskóla og mennta-
skóla og val inn í bóknámsdeild og verknámsdeild, og þá
einnig, hvernig reynt væri að leysa þessi vandamál.
Að umræðum loknum var eftirfarandi ályktun borin
upp og samþykkt:
1. Það er skylda vor að tryggja það, að sérhvert barn,
án tillits til stéttar, fjárhags, þjóðernis og kynþáttar,
hljóti þá fræðslu, er stuðli bezt að því að þróa gáfur
þess, hæfileika og persónuleika.
2. Sérhvert barn skal hljóta undirbúningsfræðslu, sem
jafnframt því að veita því þekkingu þrói einnig hjá
því athyglis- og ályktunargáfu og veiti því fyrstu
æfingu í því að láta hugsanir sínar í ljós.
3. Að barnafræðslu lokinni verður að taka fullt tillit
til gáfna barnsins, hæfileika og óska, þegar tekin er
ákvörðun um framtíðarmenntun þess. Samkvæmt
þessum gáfum, hæfileikum og óskum skal flytja barn-
ið upp í ýmiss konar framhaldsskóla. Viðleitnin til
þess að veita almenna æðri menntun er eðlileg afleið-
ing þjóðfélagslegrar og fjárhagslegrar þróunar.
4. Flest lönd veita nú þegar almenna æðri fræðslu. í
öllum hinum margbreyttu æðri skólum verður nám-
ið að sjálfsögðu að byggjast á almennri menningar-
legri fræðslu, er keppi að því að gera barninu fært
að njóta góðs af menningararfi fyrri tíma og þjóð-