Menntamál - 01.10.1952, Blaðsíða 35
menntamál
105
Næstu daga nutu gestirnir hvíldar í Reykjavík og skoð-
uðu höfuðstaðinn í fylgd með gestgjöfum sínum.
Einn daginn voru þeir gestir Reykjavíkurbæjar. Jónas
B. Jónsson fræðslufulltrúi dvaldi fyrir gestum allan lið-
langan daginn. Hann sýndi þeim skóla og aðrar stofnanir,
er þeir höfðu áhuga á, og veitti þeim í umboði Reykjavíkur-
bæjar af mikilli rausn. M. a. sáu þeir dælustöðina að Reykj-
um, en þar skýrði hitaveitustjórinn fyrir þeim hið mark-
verðasta varðandi nýtingu og virkjun hverahitans. — Þann
dag heimsóttu þeir einnig Reykjalund og þágu síðdegis-
kaffi þar.
Dagana 24.—26. júlí lögðu dönsku kennararnir leið sína
út á land og sóttu heim stéttarbræður sína þar. — Tveir
þeirra fóru til Akraness og ferðuðust um Borgarfjörð og
Snæfellsnes. Tveir fóru til ísafjarðar og ferðust um Vest-
firði. — Þrír fóru til Akureyrar og Húsavíkur og ferð-
uðust um Þingeyjar- og Eyjafjarðarsýslur. Tveir fóru til
Austurlands. Tveir fóru til Vestmannaeyja, og ennfrem-
ur ferðuðust þeir um Rangárvallasýslu. — Gestirnir létu
mjög vel yfir dvöl sinni, enda var þeim tekið af alúð og
gestrisni. — Þeir komu til Reykjavíkur á ný 5.—6. ágúst.
Að kvöldi 6. ágústs sátu kennararnir boð formanns Dana-
félagsins í Reykjavík, hr. Lúðvíks Storr.
— Kvöldið áður en þeir hurfu héðan, sátu þeir kvöld-
boð fræðslumálastjóra, hr. Helga Elíassonar. 8. ágúst héldu
þeir heimleiðis.
Ég ber fram beztu þakkir vegna móttökunefndarainnar
og kennarasamtakanna til allra, bæði einstaklinga og
stofnana, er gerðu okkur kleift að taka á móti hinum
dönsku stéttarbræðrum og gera þeim dvöl þeirra hér
ánægj ulega.