Menntamál - 01.04.1958, Side 56

50
MENNTAMÁL
kennara. Skorturinn endurspeglast í sjálfri kennslunni,
allt frá kennslu í háskólum til smábarnkennslunnar.
Af gefnu tilefni leggur nefndin áherzlu á, að menn,
sem hafa sérmenntun, vinni og fái að vinna einmitt þar,
sem þeirra þekking er, en gutli ekki í einhverju öðru.
Rannsakað var í mörgum löndum, hve margir hefðu
háskólapróf í sérgrein. Svo var athugað, hve margir væru
starfandi, þar sem þeir ættu að vera samkvæmt sinni
menntun. Niðurstaðan varð sú, að mikið vantar á, að allir
þeir, sem prófin hafa, komi að raunhæfum notum.
Vert er að hugleiða, hve geysileg sóun verður á starfs-
kröftum, þegar sérmenntaðir menn geta ekki unnið á sínu
rétta sviði.
Nefndin undirstrikar, að hugsa beri um gæði, en ekki
eingöngu um magn. Með þessu er átt við, að ekki sé nóg
að fá marga menn, þeir verði líka að vera vel menntaðir
og hæfir.
Þess vegna þarf að vinna að því, að ungum mönnum,
sem skara fram úr, standi dyr háskóla og annarra mennta-
stofnana opnar, án tillits til þess, hver sé staða þeirra í
þjóðfélaginu og efnahagur. Langt nám kostar peninga.
Of mörg dæmi eru þess, að efnilegir ungir menn urðu að
hætta námi eða gátu aldrei hafið það, vegna fjárskorts.
Nauðsynlegt má telja, að þessi fyrirgreiðsla og aðstoð
verði aukin, jafnframt því, að námsefnið verði gert sveigj-
anlegra. Laga þarf hinar hefðbundnu kennsluaðferðir og
fræðslukerfið eftir nýjum þörfum og viðhorfum.
Æskilegt er, að nánari samvinna verði milli leiðtoga
iðnaðarmála og fræðslumála
Þörf er víðast betri og fyllri leiðbeininga um stöðuval.
Tilmælum er beint sérstaklega til ríkisstjórna, háskóla,
fræðsluyfirvalda og einnig iðnfyrirtækja og annarra
þeirra, sem þarfnast sérmenntaðs starfsliðs, að hefjast
handa svo fljótt sem auðið er og gera það, sem nauðsyn-
legt og viðunandi er, til að bætt verði úr vandamálum
þeim, sem drepið hefur verið á.