Menntamál - 01.10.1970, Blaðsíða 5

Myndlistarkennsla
í íslenzka
skólakerfinu
Ráðstefna um myndlistarkennslu í íslenzka
skólakerfinu var haldin í Reykjavík dagana 12.
og 13. október, og sátu hana fulltrúar allra
þeirra aðila, sem til hennar voru boðaðir, og
taldir eru á meðfylgjandi skrá. Orðið „mynd-
listarkennsla" er hér notað um all víðtækt
svið, eða eins og í boðsbréfinu sagði er
„myndlist hér skilin í víðtækustu merkingu.
Hugleidd verði öll formmennt, hver sé staða
hennar á íslandi nú á dögum og hvaða þýð-
ingu hún hafi í almennu uppeldi og sérnámi,
fyrir atvinnulíf þjóðarinnar og andlega
mennt.“
í upphafi ráðstefnunnar voru flutt fimm inn-
gangserindi um hin ýmsu svið viðfangsefnis-
ins, og voru flytjendur þau Hörður Ágústsson,
skólastjóri, Valgerður Briem, teiknikennari,
Jóhann Hannesson, fv. skólameistari, Haukur
Eggertsson, iðnrekandi, er flutti erindi Gunn-
ars Friðrikssonar, formanns Félags íslenzkra
iðnrekenda, í forföllum hans, og Björn Th.
Björnsson, listfræðingur. Voru síðan hafnar
umræður, og komu þar fram mörg yfirlit um
stöðu þessara mála á hinum ýmsu stigum
skólakerfisins, m.a. frá formanni Teiknikenn-
arafélags íslands, Guðmundi Magnússyni;
skólastjóra Kennaraskóla íslands, dr. Brodda
Jóhannessyni; rektor Menntaskólans í Reykja-
vík, Guðna Guðmundssyni; fræðslumálastjóra,
Helga Elíassyni; fulltrúum Háskóla íslands,
Listasafns íslands, Félags íslenzkra myndlist-
armanna og frá fulltrúum hinna ýmsu kennara-
samtaka, er ráðstefnuna sátu. Var í umræðun-
um leitazt við að einangra hvert skólastig fyrir
sig, kanna ástandið þar og leita úrræða.
Eftir fyrri umræðudaginn var sett niður
nefnd til þess að móta ályktunartillögur um
hin ýmsu mál, og lágu þær fyrir til umræðu
síðari fundardaginn. Ályktanir þær, sem ráð-
stefnan gerði, fylgja hér með í þeirri röð, sem
þær voru ræddar og afgreiddar.
Ráðstefnan var mjög vel sótt, og ríkti þar
mikill og einhuga áhugi fyrir umbótum þess-
ara mála. Hr. ráðuneytisstjóri, Birgir Thorla-
cius, setti ráðstefnuna, en fundum stýrðu
þeir Runólfur Þórarinsson, fulltrúi í mennta-
málaráðuneytinu, Hörður Ágústsson, skóla-
stjóri og Björn Th. Björnsson. Að lokum ráð-
stefnunnar var samþykkt að leita til mennta-
málaráðuneytisins um, að það skipaði sam-
vinnunefndir um þrjá stærstu málaflokkana,
er ræddu um og ynnu frekar að tillögum um
þessi mál.
MENNTAMÁL
151