Heima er bezt - 01.12.1951, Síða 2

190
HeIM'A ER BE’ZT
Nr. 10
t— ---—------— —.—■------—
Heima er bezt
Kemur út mánaðarlega, 32 síður.
Ritstjóri: Vilhj. S. Vilhjálmsson.
Útgefandi: Bókaútgáfan Norðri.
Sími 3987. Pósthólf 101.
Áskriftarverð, 12 blöð, kr. 67.20.
Útsöluverð kr. 7,00 eintakið.
Prentsmiðjan Edda h.f.
I —-------------------------
Kærar þakkir
Gleðileg jól!
MEÐ ÞESSU HEFTI er fyrsta
árgangi „Heima er bezt“ lokið. í
upphafi. setti ritið sér ákveðna
stefnu og frá henni hefur ekki
verið hvikað. Það er skemmti-
legt að geta nú fullyrt, að al-
menningur hefur tekið ritinu
mjög vel. Það hefur sannað, að
rit með efni eins og „Heimt er
bezt“ hefur flutt, er kærkomið,
og að þörf er fyrir það. Viðgang-
ur þess hefur verið hægur og
jafn, en með haustmánuðunum
hefur hraði komizt á vöxtinn og
svo horfir, sem þess verði ekki
langt að bíða, að „Heima er bezt“
verði eitt útbreiddasta rit á
landinu. „Heima er bezt“ sendir
öllum vinum sínum kveðjur,
þakkir og heillaóskir, ekki að-
eins þeim, sem hafa stutt það
með efni, heldur og ölium lesend-
um þess. Það hefur nú þegar
eignast stóran vinahóp meðal
ungra og gamalla, sem rita því
bréf og senda því efni til birt-
ingar og fillögur um breytingar,
og öll bera þessi tilskrif vott um
einlægt vinarþel og áhuga fyrir
framtíð ritsins. Er augljóst, að
lesendur eru þakklátir „Norðra“
fyrir að hafa ráðizt í það, á
þessum erfiðu tímum, að gefa út
rit með þessu efni.
„Heima er bezt“ mun halda á-
fram á sömu braut. Fyrir liggur
nú geysimikið af efni, þáttum,
sögnum og sögum, viðtölum,
kvæðum, lausavísum og öðru
efni, sem alþýðufólk víða um
land hefur samið og safnað og
mun þetta birtast smátt og
smátt. Verða þeir, sem senda
SAGT ER ... ?
SAGT ER, að eitt sinn, þegar Hafnarfjarðarvagninn ók fram hjá Fossvogs-
kirkjugarði, hafi verið þar hópur af hestum við hliðið.
„Hvern skyldi nú vera verið að jarða?“ sagði einn af farþegunum.
Annar svaraði:
„Mér sýnist það muni vera einhver merkishestur!“
Myndirnar á forsíðu
1. Kirkjan að Stóra-Núpi í
Gnúpverjahreppi mun vera
ein fegursta sveitakirkja á
landinu. Hún var byggð 1918,
eftir að gamla kirkjan hafði
fokið, en þá fauk Hrepphóla-
kirkja einnig.
2. Jólin nálgast og þau eru
fyrst og fremst hátíð barn-
anna, annars má segja, að á
jólum heimsækjum við, sem
eldri erum orðin, æsku okk-
ar í minningum. Fyrrum var
ekki mikið skraut kringum
börnin á jólunum, en nú er
það komið víða. Hér sjáið
þið þrjá prúðbúna bræður
við skreytt jólatré sitt.
3. Stóra-Núpskirkja er ekki að-
eins snotur að utan, heldur
er hún og fögur að innan.
Altaristafla hennar er hið
fegursta listaverk. Sýnir það
Fjallræðuna og hefur Ás-
grímur Jónsson samið lista-
verkið.
4. Kaþólska kirkjan gnæfir yf-
ir Reykjavík, þar sem borgin
er hæst. Kirkjan er fögur og
tignarleg. Fyrirmynd hennar
er íslenzkt stuðlaberg.
efni, að hafa nokkra þolinmæði,
þó að þeir sjái það ekki strax,
því að úr vöndu er að ráða í
hvert sinn, svo að í ritinu sé sín
ögnin af hverju, og að hvert hefti
sé sem fjölbreyttast. Gert er ráð
fyrir því, að þó að stefnunni
sjálfri verði fylgt út í yztu æsar,
verði gerðar nokkrar breytingar
á niðurröðun og efni eftir ára-
mótin. Reykjavíkurþátturinn
hættir, að minnsta kosti um sinn,
en reynt mun verða að taka upp
þátt um forn býli og sögustaði,
en þó er það ekki afráðið til
fulls. Þá mun það verða aukið
að birta smásögur og jafnvel
verður eitt kvæði í hverju hefti.
Ríkust áherzla verður lögð á það,
eins og hingað til, að birta frá-
sagnir fólks og sagnaþætti, en er-
lent efni verður og með, og þá
lögð fyrst og fremst áherzla á
fróðleiksgildi þess. „Heima er
bezt“ hefur gengið heldur erfið-
lega að fá ljósmyndir úr lífi og
starfi fólksins í landinu, úr lífi
dýranna og náttúrunnar. Nú
hefur ritiö samið við listfengan
amatörljósmyndara, Þorvald Á-
gústsson frá Ásum, og mun hann
taka myndir fyrir ritið á næsta
ári. Hann gjörði myndirnar á
forsíðu síðasta blaðs og einnig
hefur hann tekið myndirnar á
forsíðu og alla öftustu síðu í
þessu hefti nema eina. Vonum
við, að lesendum líki þær vel.
Hér hefst nú hestavísnaþáttur-
inn og vonum við að hann falli
mönnum í geð.
Þessi fyrsti árgangur er 328
síður, þar sem þetta hefti er 8
síðum stærra en gert var ráð
fyrir. Þetta er stór bók og fjöl-
breytt að efni, að líkindum ódýr-
asta lestrarefni, sem nú er á boð-
stólum. Þessi 10 eintök kosta 56
krónur. Skemmtilegast er fyrir
fólk að eiga ritið frá upphafi, en
nú er farið að ganga á fyrstu
heftin, svo að ráðlegast er að
panta þau í tíma. Gera má ráð
fyrir, að þau verði ófáanleg eftir
tiltölulega stuttan tíma.
Kærar þakkir fyrir allar kveðj-
urnar, stuðninginn og heillaósk-
irnar. Kærar þakkir fyrir sam-
vinnuna á þessu ári.
Gleðileg jól og farsælt kom-
andi ár.
Ykkar einlægur
VILHJ. S. VILHJÁLMSSON.