Heima er bezt - 01.10.1983, Síða 11

,,Ég var að gera slátur,
þegar mér var tilkynnt
að ég ætti að fá Fálka-
orðuna. Ég mátti ekkert
vera að því að fara
suður til að taka á móti
henni þar, fyrst ég átti
ekki annað erindi.
Sýslumaðurinn kom svo
og færði mór hana
hérna heima“.
Mynd: Ó.H.T.
Jón Guðmundsson,
bróðursonur Bjargar,
og Þórhallur Jónsson.
Björg heldur heimili fyrir
þau þrjú í gamla íbúðar-
húsinu á Lóni, sem sést á
milli ,,piltanna“, eins og
hún kallar þá alltaf. Nýrra
íbúðarhúsið sést yfir öxlina
á Jóni vinstra megin. Jón
er líka tónlistarmaður
ágætur, og lætur til sín
taka með höndum og
fótum á rafknúinn
„skemmtara" af fullkom-
inni gerð.
Mynd: O.H.T.
ég var fengin til að hlaupa í skarðið á Raufarhöfn í sumar,
spurði ég fólkið: „Nú hefur verið hér tónlistarkennsla í
mörg ár. Getur það verið, að enginn sé það burðugur, að
hann geti tekið þetta að sér?“ Þá var svarað: „Jú það eru
náttúrlega ýmsir sem gætu þetta, en þeir vilja bara ekki
leggja vinnu í að æfa svona tónlist, og þeim finnst þetta
bindandi.“
Að nokkru leyti má segja að það sé fórnarstarf að helga
sig kirkjutónlist og kórstarfi. Annars hefur mér nú flogið í
hug, að minnsta kosti svona öðrum þræði, þegar við berum
okkur saman við fyrri tíma fólk í störfum, að við gætum
spurt: „Vitum við nokkuð hvað fórn er?“ Megum við ekki
oft bera kinnroða?
Frítt er féð í Lóni. Mynd: Ó.h.t.
Heimaerbezt 319