Æskan - 01.03.1966, Síða 28
ÆSKAN
Þú færð þeim mun fleiri stig sem afrek þín eru
betri. Síðan eru stig afreka þinna í hverri grein
lögð saman og þá fæst árangur þinn í þessari þrí-
þraut. Skólinn sendir síðan árangur þinn til okkar,
og mun Æskan birta árangur 20 fræknustu kepp-
endanna (stúlkna sér og pilta sér) í hverjum aldurs-
flokki. Æskan mun einnig birta skrá yfir þá skóla,
sem bezta þátttöku eiga í keppninni.
Sumarið 1967, í júní eða júlí, er ætlunin sú að
efna til úrslitakeppni í þrautinni í Reykjavík. Þang-
að eru boðnir 6 beztu stúlkurnar og 6 beztu piltarnir
í hverjum aldursflokki eða alls 18 drengir og 18
stúlkur.
Þeir, sem sigra þar, fá sérstaka viðurkenningu. En
sú stúlka eða sá piltur sem flest stig hlýtur af öll-
um stúlkum og piltum, fær sérstök heiðursverðlaun,
sem sagt verður frá hér í blaðinu síðar.
Ég er viss um að þér þykir gaman að vera með í
þessari keppni.
Hún er auðveld fyrir þig, því að þú hefur áreið-
anlega oft farið í kapphlaup við félaga þína í skól-
anum, margsinnis leikið þér að því að stökkva há-
stökk yfir snúru og þá ekki ósjaldan kastað litlum
knetti þegar þú hefur verið í „sto“ eða öðrum
boltaleikjum.
En samt ráðlegg ég þér að æla þig vel í vor og
sumar þangað til keppnin hefst. Við, sem stöndum
að þessari keppni, höfum þá trú, að iðkun íþrótta
geri alla að hraustari og betri mönnum og þess
vegna hvetjum við þig til þess að æfa þig oft, en
stutt í einu svo að þú ofþreytir þig aldrei. Gættu
þess að vera alltaf hlýtt klæddur, þegar þú byrjar
æfinguna og ef þú ferð úr hlýju utanyfirfötunum,
síðar meðan þú æfir, þá farðu strax í þau við lok
æfingarinnar.
Veldu þér mjúka malar- eða grasflöt til þess að
æfa þig á. Varastu að hlaupa mikið eða stökkva á
mjög hörðu. Ef íþróttafélag er þar sem þú átt
heima, skaltu fá hjá því ieiðbeiningar og lánuð
áhöld. Ef svo er ekki, getur þú mikið lijálpað þér
sjálfur.
Þú afmarkar Jrér 60 m hlaupabraut, býrð til tvær
súlur með okum eða pinnum, sem Jíú getur fært
upp eða niður og útvegar þér slá eða íþyngda snúru
til að stökkva yfir hástökk, útbýrð gryfju með mjúk-
um sandi til Jress að detta ofan í svo þú meiðir þig
ekki, og loks þarft þú að eignast lítinn knött, sem
er 80 gr. að þyngd (tennisbolti).
Þegar þú ferð á æfingu, skaltu ávallt byrja á
léttu hlaupi, þangað til Jiú finnur að Jrér er orðið
vel heitt. Síðan tekur þú nokkrar léttar leikfimi-
æfingar, sem þú hefur lært í skólanum. Ef Jrú hefur
ekki verið í leikfimi, skaltu gera æfingarnar, sem
ÆSKAN hefur birt að undanförnu. Þær eru mjög
góðar. Þú mátt aldrei gleyma þessum undirbún-
ingsæfingum, því annars getur farið illa. Vöðvar og
sinar geta tognað og jafnvel slitnað við mikla
áreynslu, ef ekki er „hitað upp“ fyrir æfingar og
keppni í íþróttum.
Þegar þú hefur lokið þessum undirbúningi, get-
ur þú byrjað að æfa sjálfar keppnisgreinarnar.
Ég skal gefa Jrér nokkrar leiðbeiningar í Jressum
þrem greinum og byrja í þessu blaði á spretthlaup-
inu.
Við skulum fyrst æfa viðbragðið — upphaf hlaups-
ins —. Það er mjög áríðandi að Jrú sért fljótur að
bregða við til spretts, annars máttu búast við, að
keppinautar þínir verði strax á undan Jaér og þú
náir Jreim aldrei eða náir ekki góðum árangri.
Þú byrjar á að gera strik þvert yfir enda brautar-
124