Æskan - 01.01.1970, Blaðsíða 38

SKÁTAOPNAN
Ritstjórn: HREFNA TYNES
Hvað þarf ég að gera til þess að verða skéti?
r
síðustu Skátaopnu — í jólablaði
Æskunnar — vorum við búin að
finna „lykilinn“ að skátastarfinu,
þ. e. a. s. við vitum að það er Nýliðaprófið.
Það fæst í Skátabúðinni, Snorrabraut 48—
62, Rvík. (Nú sé ég alveg, hvað þið hugs-
ið: „Mikið ofsalega hlýtur þetta að vera
stór búð að ná yfir svona mörg númer“).
Þið getið ef til vill fengið Nýliðaprófið hjá
skátaféiaginu á staðnum eða frá skrifstofu
B.Í.S. Þið hafið kannski eitthvert ykkar
heyrt söguna af honum Óla litla, sem fór
út í heiminn til þess að leita að lyklin-
um að kistunni hans afa (gullkistunni). En
að finna þann lykil fylgdi sú náttúra, að
einungis góður drengur gat fundið hann.
Hann varð að sýna það á ferð sinni, að
hann væri þess verður að finna lykilinn.
Ótal hættur, torfærur og vandamál urðu
á vegi Óla, og alltaf varð hann að finna
leið út úr öllum vandræðunum.
Eins er það með göngu ykkar í gegnum
Nýliðaprófið. Þar eru ýmsar þrautir sem
þarf að leysa, það er reyndar svo um öll
skátapróf. Það má nefna dæmi eins og
sannsögli, drengskap, hjálpsemi, heiðar-
leika, svo eitthvað sé nefnt, og svo ýmis-
legt, sem kennir ykkur að bjarga ykkur í
daglegu lífi, og reyna einnig að verða
öðrum að liði, ef svo ber undir, og þið
skuluð ekki imynda ykkur að þetta sé
leiðinlegt. Þetta er skemmtilegur leikur,
ef maður notar skátaaðferðina, brosir og
reynir að bera sig vel, en hendir fýlusvipn-
um (ef hann er þá nokkur) út í hafsauga.
Þegar ég var ung skátastúlka, sá ég
mynd í skátabókinni, sem greyptist svo
í huga minn, að ég hef aldrei gleymt
henni síðan. Myndin var af tveimur drengj-
um, mjög ólíkum. Undir annarri stóð
„Skáti", en undir hinni „Sígarettu-buxna-
vasa-hengilmæna“.
Þetta eru líka ólík orð, og ólíkt það
sem að baki býr. En við verðum að taka
afstöðu. — Hvorum þessara tveggja
drengja viljum við líkjast?
Það er ákaflega mikið atriði fyrir ung-
an dreng eða unga stúlku að vera í góð-
um félagsskap. Það er margt að velja um,
eins og t. d. skátafélög — K.F.U.M. og K.
— Barnastúkur — Ungtemplarareglan —
Kristileg skólasamtök — Æskulýðsfélög
kirknanna — íþróttafélög o. fl. En — hald-
ið ykkur frá sígarettu-buxnavasa-hengil-
mænuhættinum. Þið eruð of góð og dýr-
mæt foreldrum ykkar og fósturjörð til þess
að lenda í því feni.
Til hamingju með leitina að „lyklinum“.
„Við verðum eitthvað að fara að hugsa fyrir Landsmótinu næsta
sumar. Ég er að hugsa um að hringja í stelpurnar og hafa „rabb-
fund" um ýmislegt. Við verðum að finna einhverja leið til að
vinna okkur inn fyrir mótsgjaldinu og ýmsum útbúnaði. Margt
getum við gert sjálfar, bara að vera nógu sniðugar. Ég veit meira
að segja um tvær litlar stelpur á ísafirði, sem saumuðu sér tjald,
við hljótum að geta eitthvað: „Halló, Gunna, hvernig lízt þér á
að við komum saman heima hjá mér annað kvöld. Þú hringir í
Ástu og Birnu, ég skal sjá um Stínu og Siggu, ha, fundarefni?
Landsmóts-hugdettur, manneskja. Já, ekki dugir að gefast upp.“
Nú dettur mér nokkuð í hug. Við yrkjum vísu, sem við syngjum
alltaf til að minna okkur á verkefnið, nú hef ég í það minnsta
fyrstu línurnar:
Á landsmótið langar mig lika að fara,
og leiðin til þess er að spara og spara . . .
æ, nú datt þetta alveg úr mér, stelpurnar verða að hjálpa mér.“
38