Æskan - 01.02.1970, Blaðsíða 34

isinn kemur léttilega niður og farþegarnir finna naumast,
þegar 16 hjól flugvélarinnar snerta brautina. Hjólin eru
höfð þetta mörg til þess að dreifa þunga ferlíkisins.
Boeing 747 vegur meira en 300 tonn og lengdin er svipuð lengd
Austurvallar. Stélið nær rúma 19 metra upp í loftið eða er álíka
hátt og fimm hæða hús. Vænghafið er tæpir 60 metrar.
Það liggur við að hér sé um óhugnanlegt bákn að ræða, sem
vart eigi erindi upp í loftið. En stóru flugfélögin keppast um
að fá Boeing 747. Þótt Concorde-þotan veki mikla athygli vegna
hraðans, þá mun það verða Boeing 747, sem gefur meira í
aðra hönd.
Fyrir sex árum voru stóru flugfélögin farin að fá áhuga á enn
stærri' þotum en þá voru í notkun. Nýju risarnir áttu að flytja
tvisvar sinnum fleiri farþega, fljúga hraðar og vera ódýrari í
rekstri. Flugfélagið Pan American pantaði strax 25 flugvélar með
þessa kosti hjá Boeing, og flugvélin, Boeing 747, flaug í fyrsta
skipti 9. febrúar 1969.
Hluti af farþegarými vélarinnar, en hún getur flutt 490 farþega.
Risavél þessi vegur meira en
300 tonn, og lengdin er svipuð
lengd Austurvallar í Reykjavík.
Boeing 747 gerir flugferðir enn ódýrari
98