Æskan - 01.11.1986, Síða 24

„Góði Guð! Láttu öllum líða vel
og hafa það gott. Hjálpaðufá-
tœku börnunum í útlandinu. Og
láttu ekki verða stríð á íslandi. “
Þetta var hluti kvöldbænar fimm
ára dóttur minnar fyrir skömmu. Hún
orðar ósk sína um frið og réttlæti fyrir
alla oftast eitthvað á þessa leið. Þú
þekkir eflaust bænarefnið og einföld
orð barnsins. En hún biður ekki alltaf
eins og hún gerði þetta kvöld: „Láttu
ekki verða stríð á íslandi.“ Ég man
ekki hvert tilefnið var. Sennilega hefur
einhver frétt í fjölmiðlum vakið ótta
með henni, ótta við þetta voðalega
stríð. Hún skilur þó auðvitað ekki til
fulls hvað stríð er. Við sem eldri erum
og ætíð höfum búið við frið eigum ekki
heldur auðvelt með að gera okkur
grein fyrir þeim hörmungum sem stríði
fyigja-
Ar fríðar
Á þingi Sameinuðu þjóðanna var
ákveðið að 1986 skyldi vera „Ár
friðar". Og á árinu hefur margt verið
gert til að vekja fólk til umhugsunar
um friðarmál og skora á þá sem þjóðir
leiða að setjast að samningaborði.
Okkur er öllum í fersku minni fund-
ur leiðtoga stórveldanna í Höfða. Þá
var hér efnt til funda og bænastunda í
því skyni að sýna að við óskum einlæg-
lega eftir friði. íslendingar tóku þátt í
heimshlaupi fyrir friðarmálefni.
Iþróttamenn hlupu með logandi kynd-
il sem borinn hafði verið um mörg
lönd.
Leiðtogarnir áttu lengur tal saman
en gert hafði verið ráð fyrir. Von okk-
ar var heit. Eftirvæntingin var áköf og
vonbrigðin sár þegar ljóst varð að sam-
komulag um afvopnun hafði ekki
náðst. Við huggum okkur þó við að
sagt er að í raun hafi mikill árangur
orðið af viðræðunum.
Mannréttindamál hafa mjög tengst
þessari umræðu. Því miður eru réttindi
fólks, — frelsi til að láta í ljós skoðanir
sínar, fara frjáls ferða sinna, rækja trú
sína við athafnir, víða lítt virt eða
einskis. Meðan þeirri stefnu er haldið
verður erfitt að semja um frið.
Mörg félög hafa á stefnuskrá sinm
að vinna að friði. Okkur er nærtækt að
nefna Góðtemplararegluna sem fra
upphafi starfs hefur virt jafnrétti og
minnt á nauðsyn friðar og bræðralags
allra manna. Svo er og um ungtempl'
ara, skátahreyfinguna, Kristileg fé'
lög ýmis — og mörg önnur mætti
nefna.
Alþjóðleg samskipti á vegum þess-
ara félaga auka skilning og stuðla að
jákvæðu viðhorfi einstaklinga og
24