Æskan - 01.12.1988, Síða 34

Kveðja til
saumaklúbbs
Hæ, hæ, kæra Æska!
Mig langar til að senda kveðju til
saumaklúbbs míns. Stelpurnar heita:
Eva, Hrönn, Þórey og Gunna.
Karlotta Jens.
Gott að eiga
heima á ísafirði
Kæri Æskupóstur!
Ég ætla að segja þér lauslega frá fé-
lagslífinu á ísafirði. Diskótck eru
haldin tvisvar í mánuði í félagsmið-
stöðinni okkar, „Sponsínu“. Þau eru
alveg ágæt. Svo eru haldnar skemmt-
anir í skólanum annað veifið.
Vitið þið um heimilisfang aðdá-
endaklúbbs Edda Murphy?
Með fvrirfram þökk fyrir birting-
una.
Nikki.
Svar:
Við vitum því miður ekki heimil-
isfang aðdáendaklúbbs Edda Murp-
hy. Ef einhver hefur það á taktein-
um má hann senda okkur það og við
skulum birta það um hœl.
Atómljóð
Kæra Æska!
Ég er nýorðin áskrifandi að blaðinu
og er að ílestu leyti mjög ánægð með
það. Það eina sem ég flnn að því er að
mér finnst að þið mættuð skýra sum-
ar þrautirnar betur.
Ég hef dáiítið gaman af því að
yrkja og datt í hug að senda ykkur
atómljóð sem ég orti nýlega. Það er
svona:
Það eru læti í stofunni.
Haukur leitast við að kenna
okkur stærðfræði
og rembist eins og rjúpan
við staurinn.
Á meðan liggur Ragna á gólfinu
og syngur um Kalla litla
köngulló.
Strákarnir eru í strokleðrastríði.
Siggi og Ásta kyssast í fatahenginu.
Elísabet syngur Popplag í G-dúr
og strákur stríðir stelpu.
Allt í einu birtist Halldór
skólastjóri í dyrunum
- og það verður dauðaþögn.
Heyra má saumnál detta!
Rannveig Konráðsdóttir,
Dverghömrum 38, Vestmannaeyj-
um.
Af hverju ekki hann?
Ágæta Æska!
Ég vona að þú getir gefið mér ráð
við vanda mínum. Þannig er að ég er
hrifin af strák sem er einu ári yngri
en ég (ég er í 7. bekk). Við erum
ágætir vinir. Ég veit að hann er dálít-
ið hrifinn af mér og finnst ég vera sæt
- en honum finnst bara svo hallæris-
legt að hann skuli vera ári yngri en
ég. Hann er æðislega sætur og það er
mjög aigengt að aðrar stelpur séu að
nudda sér utan í hann. Ég þoli það
ekki! Þegar ég sé þær gera það verð
ég í vondu skapi í tvo daga á eftir og
er illa við stelpurnar.
Ég veit að ég er sæt og vel vaxin og
get valið úr mörgum strákum en af
hverju ekki hann? Finnst ykkur hall-
ærislegt þó að stelpa sé ári eldri en
strákurinn sem hún er með?
Ein sjúklega ástfangin.
Svar:
Við eigum erfitt með að svara
spumingu þinni „Af hverju ekki
hann?“ vegna þess að það er í raun
bara „hann“ sem getur svarað
henni. Okkur finnst ekkert að því
að strákur og stelpa verði góðir vin-
ir þó að stelpan sé einu ári eldri og
þó hún vœri sjö árum eldri. Ástin
spyr ekki um aldur! Maður spyr
ekki um fœðingardag og ár áður en
maður verður hrifinn af öðrum ein-
staklingi. Maður verður bara hrif-
inn, svo einfalt er það!
Láttu það ekkert á þig fá þó að
stelpur séu að flangsa utan í þennan
strák. Það er ekkert við því að gera
og borgar sig ekki að ergja sig út af
því. Kannski hugsa þessar stelpur
það sama þegar þú ert að tala við
hann; þeim verður í nöp við þig og
fara í fýlu. Taktu bara nógu létt á
þessu máli. Haltu áfram að vera
vinur stráksins og spjallaðu við
hann. Vertu þolinmóð. Það koma
tímar og það koma ráð! Ekki missa
móðinn!
Skátar
í bréfaskiptum
Hæ, hæ!
Við erum hér eldhress úr skáta-
flokknum Kópum í Kópavogi og
okkur langar til að komast í bréfa-
samband við annan skátaflokk. Þeir
sem hafa áhuga skrifi til mín.
Sigríður Ólafsdóttir,
Hraunbraut 12,
200 Kópavogi.
ÆSKAN
(
i