Almanak Ólafs S. Thorgeirssonar - 01.01.1946, Page 52

52
ÓLAFUR S. THORGEIRSSON:
þegar börnin þeirra komu í Marshall skólann.
Á þennan skóla gekk Pétur í nokkur ár og vann fyrir
sér jöfnum höndum; fyrst um vetur við gripahirðingu hjá
bónda skamt frá bænum; lagði þá nokkuð hart að sér;
vann eftirþað hjá lækni þarí Marshall, sem C. E. Persons
hét, og naut hjá því fólki góðrar vináttu.
Með Pétri voru í Marshall skólanum þrír piltar ísl-
enzkir: Sigurður Sigvaldason frá Búastöðum í Vopna-
firði, trúboðinn alkunni; Kristján Magnússon Gíslasonar
(C. M. Gislason) frá Hrafnsstöðum í Bárðardal, síðar lög-
fræðingur og ríkisþingmaður, og í nokkur ár embættis-
maður í kornskoðunarnefndríkisins;ogÞorvaldurBjörns-
son, Gíslasonar (W. B. Gislason) sem lengi var kaupmað-
ur í Minneota og síðan póstmeistari. Unglingar þessir
þóttu hinir efnilegustu námsmenn allir og sköruðu fram
úr í flestum greinum.
Pétur lauk námi þar í bæ vorið 1889. Var hann efstur
í sínum bekk og hlaut af því þann heiður að flytja kveðju-
erindið að loknu burtfararprófi, eins og siður er vestan
hafs. Efni voru nú lítil heima fyrir til æðri mentunar.
Móðirin ekkja með yngsta barnið í ómegð. En þá kom
honum aðstoð nokkur eða tilvísun úr annari átt. Persons
læknir og fólk hans voru Congregationalistar. Hjá þeirri
kirkju hafði Pétur gengið á sunnudagsskóla,—Islendingar
voru þá prestlausir suður þar—og haft ágætan kennara
sem laðaði huga piltsins að kristinni trú og hvatti hann
til að læra guðfræði. Varð það úr, að Pétur komst um
haustið á háskóla, (college) hjá Congregationalistum í
Tabor suður í Iowa. Hann vann fyrir sér um veturinn
hjá skólastjóranum, Dr. Brooks, sem reyndist Pétri frá-
bærlega vel ávalt síðan.
Sumarmánuðum varði hann til fjáröflunar; seldi bæk-
ur eitt sumarið. Svo gekk hann í félag með öðrum skóla-
piltum—þeir ferðuðust um, héldu samkomur og skemtu