Kirkjuritið - 01.05.1936, Blaðsíða 7

Kirkjuritið.
Kristur og kommúnisminn.
181
Vér getum einnig orðað það svo, að það sé andi Krists.
Því að Kristur „sýndi oss föðurinn“, birti oss þann
leyndardóm, hvernig Guð er, og takmarkið, sem vér eig-
um að keppa að: „Verið fullkomnir, eins og faðir yðar á
himnum er fullkominn“. Dýrð Guðs liefir opinberast oss
í ásjónu Jesú Krists. Iværleiki Guðs til mannanna og
kærleiki Krists er eitt og hið sama. Það bendir oss skýrt
á það, hvernig vér eigum að berjast fyrir guðsriki á
jörðu. Ekki með því að beita aðra ofbeldi og nauðung.
Því að Guð er faðir. Ilann segir ekki: „Ég skal sigra
þetta barn, hvað sem það kann að kosta það“, heldur:
„Ég skal hjálpa þessu barni til þess að vinna sigur and-
ans, bvað sem það kann að kosta mig“. Guðsríki verður
ekki sett á stofn með vopnum kommúnismans, kúgun
og harðneskju. Það væri fásinna að ætla sér slíkt. Þegar
krossfarendurnir tóku borgina helgu með blóðgum
bröndum, þá fundu þeir, að Kristur var þar ekki.
Marxaðferðin er fljótvirkari — en óvissara um arðinn.
Stalin segir, að Rússland verði innan skamms að feikna-
mikilli verksmiðju, gríðarstórri vél. Og það mun rétt og
maðurinn verður liður í þeirri vél. Því að menn verða
ekki frjálsir við nauðung. Ef til vill stendur rússneska
ríkið nú fastast allra ríkja í Evrópu, en þó er sífelt verið
að herða meir og meir á böndunum og alræðisvaldið
evkst. Að sönnu eru menn frjálsir, ef þeir fella sig við
skipulagið. En hvað er það annað en ánauð að vera að
eins frjáls að því að fara eina ákveðna braut. Menn
verða að fella sig við fyrirkomulagið, eða líða undir lok
að öðrum kosti.
Lenin hefir sagt, að stærstu vandamál þjóðanna verði
aðeins leyst. með því að beila valdi. Látum svo vera um
sinn, en hvernig gengur að losna aftur við ofríkið, þegar
lengra líður? Konungarnir á Ceylon áttu i innbyrðis
ófriði, einn þeirra baðst hjálpar Portúgala, og þeir komu
með skotvopn sín og lögðu undir sig landið. Seinna var
beiðst hjálpar gegn Portúgölum. Þá komu Hollendingar