Kirkjuritið - 01.05.1942, Blaðsíða 3

Hvítasunnusálmur.
Send mér eld í anda
eilífðar úr sölum,
drottinn. Lífs af lindum
ljós þitt til mín streymi.
Grafist gamlar sorgir.
Gleymist dagsins mæða.
Sé mín þrá og sigur
sókn til þinna hæða.
Kraft af krafti þínum,
Kristur, lát mig finna.
Gef mér sýn til sólar,
svölun orða þinna.
Hlekkir sundur hrökkvi.
Hrími létti’ af jörðu.
Þegar naprast næðir,
nótt að degi gjörðu.
Helga þú mitt hjarta
helgum anda þínum.
Öndvegi þú eigir
inst í huga mínum.
Minslu ei á mínar
mörgu stóru syndir.
Þvoi þær í burtu
þínar kærleikslindir.
Kom þú, Kristur hæða,
kom í dýrð og veldi.
Hjarta heimsins skírðu
himnakrafti’ og eldi.
Boðskapur þinn breiðir
blessun löndin yfir.
Þúsundfaldar þakkir
þér, sem í oss lifir.
Á livítasunnudag 1942.
Einar M. Jónsson.