Kirkjuritið - 01.03.1943, Page 31

Kirkjuritið. Hugsað undir Prédikun. 101
í hans faðm getum vér því varpað oss örugg, eins og barn
við barm móðurinnar. Hann elskar oss, það er kristin-
dómsins mikla undur og náð. Og eðli kristindómsins og
kjarni verður því það, sem kirkjufaðirinn Ágústínus orð-
ar svo fagurlega i Játningum sínum: Að halda dauða-
haldi í Guð. Hvort sem vér erum hrædd eða slegin kviða,
i'áðalaus eða full af geig frammi fyrir hinni miklu ráð-
gátu tilverunnar, þá eigum vér þetta athvarf barnsins:
Að halda dauðahaldi í vorn ástríka himneska föður!
M. J.