Kirkjuritið - 01.02.1955, Page 44

Frá kirkjukórunum,
Kirkjukórasöngmót.
Kirkjukórasamband Austur-Skaftafellssýsluprófastsdæmis
hélt söngmót í Mánagarði í Nesjum, laugardaginn 11. desember
síðastliðinn.
Fimm kirkjukórar austan Breiðamerkursands tóku þátt í
móti þessu, tveir sjálfstætt og svo allir saman. Var sá kór um
70 manns.
Kjartan Jóhannesson söngkennari hafði æft alla kórana fyrir
þetta mót.
Söngmótið hófst með því að séra Sváfnir Sveinbjarnarson pró-
fastur á Kálfafellsstað setti það og flutti ávarp. Að því loknu
söng Kirkjukór Bjarnanesssóknar undir stjórn Bjarna Bjarna-
sonar í Brekkubæ 4 lög. Lék Kjartan Jóhannesson undir 3 þeirra
á orgel. Auk þess lék Sigjón Bjarnason í Brekkubæ undir eitt
þeirra á píanó. — Eitt þessara laga var sungið án hljóðfæris.
Næst söng kirkjukór Hafnarsóknar undir stjórn Eyjólfs J.
Stefánssonar, Höfn, 4 lög. Kjartan Jóhannesson lék undir 3
þeirra á orgel, en undir hið fjórða lék Bjarni í Brekkubæ á
orgel og Kjartan á píanó.
Þar eftir sungu allir kórarnir saman 5 lög. Söngstjórn þeirra
önnuðust á víxl Bjarni Bjarnason og Eyjólfur Stefánsson. Undir
öll sameiginlegu lögin, sem sungin voru á mótinu, var leikið
á píanó og orgel. Kjartan Jóhannesson lék undir öll þessi lög á
píanó, en orgelleik önnuðust á víxl organistar í prófastsdæminu.
Skeyti bárust frá biskupi landsins, herra Ásmundi Guðmunds-
syni, og söngmálastjóra, Sigurði Birkis. — Að loknum lestri
þeirra mælti Bjarni í Brekkubæ nokkur orð. Meðal annars þakk-
aði hann Kjartani Jóhannessyni fyrir starf hans í þágu söng-
menningar.
Að lokum sungu allir kórarnir þjóðsönginn.
Mannmargt var á móti þessu. Sóttu það gestir úr öllum sveit-
um sýslunnar. — Mót þetta var hið ánægjulegasta og fór í
öllu hið bezta fram.
B.