Kirkjuritið - 01.03.1955, Page 4

Ég leita þín.
Ég leita þín, sem komst með Jesú Krist,
ég kem til hans, hann sýndi mannheim’ fyrst,
að þú ert faðir, guð og móðir manns
og miskunnsamur vinur smælingjans,
að kærleiksregn þú sendir blómi og björk
til bjargar út af haturs eyðimörk.-----
Frá honum dýrðleg kirkju kveldró skín.
Ég koma verð til hans — að leita þín.
Ég kem til hans, því hann er meistarinn.
Hjá honum lærði ég um guðdóm þinn
allt, sem ég þekki, skynja, veit og skil
um skaparann, sem var frá eilífð til. —
Ég kemst til hans. Ef kraftasljó er önd,
hann kemur til mín, réttir bróðurhönd
og segir: Þeir, sem leita, finna frið
og föðurhjartað sofna að lokum við.
Stefán Hannesson.