Kirkjuritið - 01.03.1955, Blaðsíða 35

Séra Jón Brandsson prœp. hon. áttrœður.
Séra Jón Brandsson er fæddur
24. marz 1875 á Prestsbakka í
Hrútafirði. Foreldrar hans voru
séra Brandur Tómasson, sem þá
var prestur að Prestsbakka, og
kona hans, Valgerður Jónsdóttir,
er bæði voru ættuð og upprunnin
á þessum slóðum, þótt séra Brand-
ur færi nokkrum árum eftir fæðing
séra Jóns austur í Skaftafellssýslu
og væri þar til æfiloka.
Séra Jón varð stúdent frá
Latínuskólanum í Reykjavík 1899
og kandidat frá Prestaskólanum
1902. Hélt hann þá til fornu átt-
haganna og dvaldist við störf á
Hólmavík tveggja ára skeið. En árið 1904 var honum veitt
Tröllatunga í Steingrímsfirði. Sat hann fyrst, meðan hann var
ókvæntur, á höfuðbólinu Broddanesi, en árið 1908 kvæntist
hann Guðnýju Magnúsdóttur frá Miðhúsum í Hrútafirði og
reisti þá bú í Kollafjarðarnesi. Þar bjó hann síðan prestsskap-
artíð sína. Eiga þau sex syni og þrjár dætur.
Hann þjónaði og nágrannaprestakalli sínu, Stað í Steingríms-
firði, hvað eftir annað. Prófastur í Strandaprófastsdæmi var
hann frá ársbyrjun 1921 og gegndi, eins og vita má, ýmsum
trúnaðarstörfum fyrir sveit sína og sýslu.
Eg kynntist ekki séra Jóni Brandssyni nema þegar hann kom
til prestastefnunnar, en eg hefi það fyrir satt, að hann hafi í
öllu starfi sínu og dagfari verið sama prúðmennið, sem eg hitti
þessa fáu daga hér fyrir sunnan, en í sióðum slíkra manna vex
hvarvetna hollur gróður.
Kirkjuritið sendir þessum prestaöldungi hlýjar afmælis-
hveðjur. M. J.
Séra Jón Brandsson.
9