Kirkjuritið - 01.04.1957, Síða 14

156
KIRKJURITIÐ
hve mjög skortir enn góð hjálpargögn, nægar barnasögur, fjöl-
breyttari bamasöngbækur, en fyrst og fremst fleiri og ágætari
skugga- og kvikmyndir í þessu skyni. Án þeirra verður ekki
komizt, og þær munu stöðugt ryðja sér meira til rúms. Ég und-
irstrika enn það, sem ég hefi áður bent á, að kirkjan og fræðslu-
málastjórnin ættu að taka höndum saman og koma upp fögru
og margbreytilegu safni, sem prestar og aðrir kristilegir æsku-
lýðsleiðtogar ættu kost á að nota við vægu gjaldi.
Unglingastarfsemin er enn minni af hálfu kirkjunnar, enda
ýmsum vandkvæðum háð, m. a. skortir hentugt húsnæði til
hennar allvíða, ekki sízt í þéttbýlinu. Æskulýðsguðsþjónustur
eru samt allvíða haldnar, einkum norðanlands fyrir forgöngu
séra Péturs Sigurgeirssonar á Akureyri. Nokkur æskulýðsfélög
starfa líka nú þegar. í þessu sambandi má og nefna tómstunda-
starf, sem nú er að hefjast í Reykjavík undir stjórn séra Braga
Friðrikssonar. Margt mætti sækja til Svíþjóðar, en Svíar leggja
mikla alúð við þennan þátt kristilegrar starfsemi, og eiga þar
ágæta forystumenn. Svo er raunar víðar. Og mest er um vert,
að þetta er hafið hérlendis. Það þróast eflaust í framtíðinni.
Gunnar Árnason.
Mig dreymdi, að ég væri kominn til liimins og stæði við hlið Paradísar,
og hlýddi á úrskurð þeirra, sem gættu þess.
Þar kom lærður rabbí og æskti inngöngu. „Dag og nótt,“ kvað hann að
orði, „las ég heilagt lögmálið.“ „Dokaðu við,“ sagði varðengillinn. „Við
þurfum að rannsaka, hvort þú last þetta sakir sjálfs lögmálsins, eða sakir
stöðu þinnar, eða til að afla þér frægðar."
Næst kom trúarleiðtogi úr flokki Zaddika. „Ég fastaði mikið,“ sagði
hann. „Eg gerði margar yfirbætur, og ég grúskaði í hinum leyndardóms-
fullu Zoharfræðum.“ „Bíddu örlítið," sagði engillinn, „þangað til við höf-
um gengið úr skugga um, að þú gerðir þetta af hreinum hvötum."
Næst kom þarna gestgjafi. „Ég lét dyr mínar standa opnar fyrir hverj-
um fátækum manni, sem bar að garði mínum, og saddi hann án nokkurs
endurgjalds.“
Hið himins lukust tafarlaust upp fyrir honum. Hér var ekki þörf frek-
ari rannsókna.
Rabbí Aaron Leib frá Primishlan