Kirkjuritið - 01.06.1957, Síða 18

Samvinnuncfnd norrænna prestafélaga
hélt sinn fyrsta fund í Járvenpáá í Finnlandi dagana 7.—10.
maí síðastliðinn. Mættir voru fulltrúar frá öllum félagsmönn-
um, nema því danska, en bréf barst frá formanni þess, ásamt
boði um, að næsti fundur yrði haldinn í Danmörku árið 1958,
og á hann að verða til undirbúnings norrænum prestafundi í
Danmörkú (Jótlandi?) árið 1959. Var boðinu tekið með þökk-
um. — Hinn fyrsta dag fundarins hélt dr. Thord Goddal, dóm-
prófastur frá Osló, fyrirlestur, er hann nefndi „Prástens kraft
och kraftlöshet". — Þau mál, sem rædd voru, snertu mest presta-
félögin og samstarf þeirra. Dr. Ove Hassler frá Svíþjóð hóf um-
ræður um fyrirkomulag á prestskosningum og skipun presta-
kalla, og aðrir fulltrúar lýstu þróun þeirra mála, í sínum heima-
löndum. Virtust Norðmenn einna ánægðastir með sitt fyrir-
komulag, en auðfundið er, að vandamálið er alls staðar hið
sama, sem sé að finna heilbrigt jafnvægi milli vilja safnaðanna,
hagsmuna kirkjunnar í heild og prestastéttarinnar. — Annan
fnndardaginn var farið til biskupssetursins í Borgá, þegnar góð-
gerðir bæði hjá Rosenquist biskupi og hjá dómkapítula (kirkju-
ráði) biskupsdæmisins. Plefir biskupsembættið þar fomt og
sögufrægt hús fyrir starfsemi sína. Á fundi, sem þar var hald-
inn, voru einnig nokkrir af prestum staðarins. Rosenquist bisk-
up flutti erindi um það, hvernig norrænar kirkjur gætu helzt
látið til sín taka sameiginlega í sambandi við vandamál tím-
ans. Hann minntist á sérstöðu norrænnar kirkju á hirium al-
kirkjulega vettvangi. Gott samband væri á milli. Skipulag væri
svipað. Allar hefðu t. d. varðveitt biskupsembættið. Miðalda-
arfurinn væri að ýmsu leyti betur varðveittur hjá þeim en
ýmsum öðrum, t. d. í sambandi við helgisiði. — Guðfræðileg
vísindi hefðu blómgast á Norðurlöndum í seinni tíð, svo að
mikið tillit væri tekið til norrænna guðfræðinga út um heim-
inn. í alkirkjulegri samvinnu væru norrænir menn mjög fengn-