Kirkjuritið - 01.06.1957, Side 21

SAMVINNUNEFND NORHÆNNA PRESTAFELAGA
259
sjálfur ritað á þýzku, og er honum mjög umhugað um, að ísl.
kirkjusaga fái þar sinn skerf, til jafns við önnur Norðurlönd.
Er bók þessi samin að tilhlutun alkirkjuráðsins.
Rætt var um væntanlega för til Gyðingalands í haust. Kom
þá í ljós, að lítil sem engin þátttaka verður frá Finnum og
Dönum, þar eð þeir hafa önnur sambönd, er þeim eru hent-
ugri. Aftur á móti höfðu borist umsóknir frá Noregi, Svíþjóð
og íslandi. Ferðin yrði því farin í haust, og eiga væntanlegir
þátttakendur að snúa sér til Brand-útgerðarinnar í Sykkelven,
Noregi. Gert er ráð fyrir fræðilegum fyrirlestrum um borð í
skipinu.
Nokkuð var rætt um reglur fyrir samstarfi prestafélaganna
í framtíðinni, og var þeim dr. Goddal og dr. Hassler falið að
gera drög að slíkri reglugerð, og eiga síðan stjórnir allra presta-
félaganna að fjalla um þau hver fyrir sig.
Ekki þarf að taka það fram, að viðtökur af hálfu Finna voru
hlýlegar í allan máta. Hinir erlendu fulltrúar voru gestir presta-
félaganna meðan á fundinum stóð. Hitti ég nokkra presta
er verið höfðu á norræna prestafundinum hér í fyrra sumar,
°g naut gestrisni þeirra og fyrirgreiðslu. Sunnudaginn, áður en
fundurinn hófst, prédikaði ég í tveim kirkjum í Helsingfors
(Tölö-kirkju og Jóhannesarkirkju) og flutti um kvöldið fyrir-
lestur um íslenzka kristni, í samkomusal eins safnaðarins í borg-
funi. Daginn eftir var mér boðið í ökuferð til Espo, en þar
er landslag fagurt. Komum við þar heim til presta, sem verið
höfðu með í Reykjavík í fyrra, og tóku þeir okkur opnum
örmum.
Hið finnska prestafélag á 40 ára afmæli næsta ár, og verður
það hátíðlegt haldið seint í janúarmánuði. í sambandi við af-
niælið verða guðfræðilegir námsdagar við háskólann í Helsing-
f°rs með fyrirlestrum frá ýmsum löndum. Mun öllum guðfræð-
mgum heimil þátttaka í þessu námskeiði. Verði einhverjir ísl.
pi'estar eða guðfræðistúdentar staddir í Finnlandi eða annars-
staðar á Norðurlöndum næsta vetur, ættu þeir að tilkynna það
stjorn prestafélags íslands, svo að hægt sé að gera ráðstafanir
th þátttöku. Jakob Jónsson.