Kirkjuritið - 01.05.1959, Page 33

Séra Runólfur Marteinsson.
Fyrstu kynni mín af séra Runólfo urðu, er ég var 11 ára
drengur á Moutain í Norður-Dakota. Hann dvaldist þar sumar-
tíma ásamt konu sinni, Ingunni Bardal Marteinsson, og veitti
forstöðu íslenzkum sumarskóla fyrir börn. Strax við fyrstu
kynni kom í ljós, hver voru hjartfólgnustu áhugamál hans, þau:
Kristindómur annars vegar, en hins vegar allt, sem íslenzkt var,
einkum þá móðurmálið. Reyndar var til sumarskólans stofnað
til að kenna kristin fræði og íslenzku, og séra Runólfur naut
sín því vel, en þessum efnum var mest af lífi hans helgað.
Séra Runólfur fæddist á íslandi 26. nóvember 1870, og var
því á 89. aldursári, er hann hlýddi hinu hinzta kalli Guðs
snemma í síðastl. mánuði. Hann fluttist til Winnipeg í Mani-
toba árið 1883 og var í nokkur ár hjá móðurbróður sínum, séra
Jóni Bjarnasyni, sem þá var prestur við Fyrstu lútersku kirkj-
una í Winnipeg. Hann gekk í Gustavus Adolfus menntaskólann
í borginni St. Peters í Minnesota, en það var sænsk-lútersk
stofnun. Vorið 1895 lauk hann prófi frá þeim skóla, en um
haustið hóf hann nám við Maywood-prestaskólann í Chicago í
Illinois, og lauk prófi þaðan eftir glæsilegan námsferil. Hann
var talinn mestur námsmanna þeirra Vestur-Islendinga, sem
útskrifuðust frá þessum skóla, en við hann námu flestir ís-
lenzkir prestar í Ameríku áður fyrr.
Fyrsta brauð séra Runólfs var Nýja ísland í Manitoba.
Prestsetrið var á Gimli. Svæði því, sem hann þjónaði þá við
erfið skilyrði, er nú skipt í þrjú prestaköll. En séra Runólfur
vann baki brotnu og var iðinn og fórnfús í starfi sínu til efl-
iugar Guðs ríkis. í Nýja íslandi þjónaði hann frá 1900 til 1910.
Nánar kynntist ég séra Runólfi, þegar ég varð prestur á Gimli
Ijörutíu árum síðar, og þá voru enn greinileg áhrif frá starfi