Kirkjuritið - 01.05.1959, Blaðsíða 35
Kirkja Óliáða safnaðarins í Reykjavík.
Á sumardaginn fyrsta vígði herra biskupinn yfir íslandi
þessa kirkju, sem risin er af grunni í Holtunum, skammt frá
Stýrimannaskólanum. Kirkjan ásamt félagsheimili er nú full-
gerð að innan. Hún er teiknuð af Gunnari Hanssyni, einföld og
óbrotin að allri gerð, en hin vistlegasta og mjög hentug. Prestur
safnaðarins, séra Emil Björnsson, og formaður safnaðarnefnd-
arinnar, Andrés Andrésson klæðskerameistari, munu hafa bor-
ið mestan hita og þunga af framkvæmdinni, en fjölmargir aðr-
ir lagt hönd að verki af miklum dugnaði og fórnfýsi. Kostn-
aður við bygginguna fullgerða er talinn að verði um tvær milj-
ónir. Er það undralítið. Meðal margra ágætra gjafa, sem kirkj-
unni hafa borizt, eru: Altarisklæði og hátíðahökull frá Kvenfé-
lagi safnaðarins, skírnarfontur gerður af Ásmundi Sveinssyni
frá Bræðrafélagi safnaðarins, altarisgöngusilfur frá Andrési
Andréssyni og prédikunarstóll, sem Björn Þorsteinsson smíðaði
°g gaf.
15