Sjómannadagsblaðið - 02.06.1957, Blaðsíða 46

Kappróðrabátar
Sjómannadagsins \oma
í mar\
þessar miklu og fjárfreku framkvæmdir, og hinnar
miklu þátttöku almennings í þessu happdrætti.
Fyrsta skóflustungan að heimilinu var stungin
1. nóv. 1952 af Birni Ólafs. 1953 var heimilið
steypt upp. Arið 1954 var hafin innrétting á
heimilinu og samþykkt að hefja kvikmyndasýn-
ingarekstur í borðsal heimilisins meðan heimilið
væri í smíðum og þangað til búið væri að byggja
samkomuhús heimilisins. Sama ár var og sam-
þykkt að stofna til happdrættis fyrir bygginga-
sjóðinn og á sjómannadaginn sama ár lagði for-
seti íslands, Ásgeir Ásgeirsson, hornstein heim-
ilisins og var atburðarins minnst með samkvæmi
að Hótel Borg.
Árin 1955 og 1956 var haldið áfram með bygg-
ingarvinnuna utanhúss en þó mest að innan og
miðaði verkinu hægt en örugglega áfram. Nú á
20. sjómannadaginn mun heimilið væntanlega
verða opnað vistmönnum almennt, meðan pláss
leyfir. Á árinu mun verða lokið allri smíði á
þeim byggingarhluta, sem þegar er kominn upp
og jafnframt mun samkomuhúsið verða byggt upp
fokhelt og frágengið að utan og reynt að hraða
flutningi' bíósins þangað, svo hægt verði að rýma
salarkynnin fyrir vistmenn. Eg fer svo ekki nánar
út í smáatriði hvað byggingamálin varða. Þetta
er allt svo nýtt og kunnugt ykkur öllum.
Ég sagði í byrjun, að Sjómannadagsráðið hefði
ávallt verið skipað afbragðsgóðum kröftum. Það
hefur haft innan sinna vébanda áræðna og stór-
huga menn, sem ekki hafa hikað við að leggja á
brattann og reyna að yfirstíga hinar erfiðustu
torfærur. Fyrir þetta er ég persónulega þakklátur,
þar sem þið hafið falið mér forystu þessara mála.
Á þessum tímamótum á ég enga ósk heitari,
Fulltrúaráðinu og sjómannadagssamtökunum til
handa, en að fulltrúarnir megi halda áfram að
starfa saman í sátt og samlyndi, og að þeir fylg1
þeirri stefnu ótrauðir og í eindrægni, sem meiri-
hlutinn og þeir framsýnustu kunna að marka,
með nýju landnámi á framfara- og menningar-
sviðinu, sjómannastéttinni og þjóðinni allri — til
heilla og blessunar.
30 SJÓMANNADAGSBLAÐIÐ