Sjómannadagsblaðið - 02.06.1957, Blaðsíða 58
Minningargjafir bundnar yið byggingu Dvalarheimilis
aldraðra sjómanna
Frá því að Fulltrúaráð Sjómannadagsins fyrst hóf
fjársöfnun til byggingar Dvalarheimilis aldraðra sjó-
manna hefur margt ágætisfólk fundið hjá sér ríka hvöt
og einlægan vilja til að gefa rausnargjafir til þessara
byggingaframkvæmda. Um leið og gefendurnir hafa
viljað stuðla að því að koma heimilinu upp og búa
það sem bezt úr garði hafa þeir viljað minnast náinna
skyldmenna sinna, vina, mætra og merkra samferða-
manna sinna með gjöfum sínum eða að þeir hafa viljað
festa á herbergjum nöfn fyrri heimkynna, átthaga og
skipa er þeir hafa annaðhvort átt eða siglt á um
æfina. Aðrir hafa gefið góða gripi, bókasöfn, málverk,
innbú, eða þá beinar fjárgjafir án þess að þær væru
tengdar við annað en byggingarframkvæmdirnar í
heild. Allir þeir gömlu sjómenn sem eftir eiga að
njóta æfikvöldsins á þessu myndarlega heimili munu
jafnan með hlýjum hug minnast þessa mæta fólks,
sem þannig hafði stuðlað að því að koma heimilinu
upp.
Hér birtist skrá yfir gjafir, sem heimilinu hafa borizt
og eru þá fyrst gjafir, sem bundnar eru við einstök her-
bergi, en herbergisgjafir eru orðnar sem næst hundrað
talsins, er heimilið tekur til starfa nú á 20. Sjómanna-
daginn.
I þeim hluta heimilisins, sem þegar hefur verið
byggður mun herbergisfjöldi þessi vera til ef risher-
bergi eru meðtalin, en Sjómannadagsráðið hefur
þó ákveðið að nafnfesta ekki herbergin fyrr en allar
álmur heimihsins hafa verið byggðar til að fyrirbyggja
með því, að mismunað verði milli herbergisgjafa. Þá
verður og birt hér skrá yfir aðrar gjafir en herbergis-
gjafir, gjafir, sem engar kvaðir fylgja, en sem bundnar
eru við minningu einstakra manna eða sérstökum árn-
aðaróskum til sjómannastéttarinnar. Meðal þessara
gjafa eru þær stærstu er heimilinu hafa borizt.
Fulltrúaráð Sjómannadagsins sendir gefendum sínar
hlýjustu kveðjur með einlægu þakklæti.
HERBERGJAGJAFIR:
1. Þorskfirðingabúð. Gef.: Þorskabítur. í minningu
um um dvöl gefandans á 11 nafngreindum skipum
með 9 nafngreindum skipstjórum. Forgangsrétt til
vistar hafi sjómenn, er verið hafa á skipum þess-
um með hinum tilgreindu mönnum.
2. Breiðfirðingabúð. Gef.: Skútukarl kominn heim.
í minningu um skipstjórana Hermann J. Jónsson,
Flatey og Friðrik Olafsson, Reykjavík. Menn
ættaðir úr Breiðafirði sitji fyrir um dvöl þar.
3. Skallagrímur. Gef.: Kveldúlfur h.f., Reykjavík.
4. Þórólfur. Gef.: Kveldúlfur h.f. Reykjavík.
5. Egill Skallagrímsson. Gef.: Kveldúlfur h.f., Rvík.
6. Snorri Goði. Gef.: Kveldúlfur h.f., Reykjavík.
7. Snorri Sturluson. Gef.: Kveldúlfur h.f., Rvík.
8. Arinbjörn hersir. Gef.: Kveldúlfur h.f., Rvík.
9. Gulltoppur. Gef.: Kveldúlfur h.f., Reykjavík.
10. Gyllir. Gef.: Kveldúlfur h.f., Reykjavík.
11. Hekla. Gef.: Kveldúlfur h.f., Reykjavík.
12. Borg. Gef.: Kveldúlfur h.f., Reykjavík.
13. Mjölnir. Gef.: Kveldúlfur h.f., Reykjavík.
14. Huginn. Gef.: Kveldúlfur h.f., Reykjavík.
15. Muninn. Gef.: Kveldúlfur h.f., Reykjavík. Sjó-
menn er starfað hafa hjá útgerðarfyrirtækinu
Kveldúlfur h.f., Reykjavík, njóti forgangsréttar
um dvöl í þessum herbergjum að öðru jöfnu.
16. Sjóbúð. Gef.: Hjónin Sigríður og Geir Thorsteins-
son. I minningu um frú Kristjönu og Th. Thor-
steinsson kaupmanns og útgerðarmanns, Vestur-
götu 3, Reykjavík.
17. Æðey. Sömu gefendur.
18. Guðmundur S. Guðmundsson. Gef.: Hampiðjan
hf., Reykjavík. í minningu um framkvæmdastjora
Hampiðjunnar, er lézt 1. maí 1942.
19. Björn Helgason skipstjóri. Gef.: Börn og tengda-
börn Björns Helgasonar skipstjóra, Hafnarfirði.
Tilefni af 70 ára afmæli hans 15. maí 1944.
20. Loftskeytastöðin. Gef.: Ársæll Jónsson, kafari. I
minningu um Markús Jónsson loftskeytamann, er
fórst með b.v. Skúla fógeta 1933. Forgangsrétt
ættingjar Markúsar.
21. Páll Jónsson, skipstjóri, er fórst með m.s. Hihmr
27. 11. 1943. Mynd af Páli sé varðveitt í herberg-
inu. Gef.: Jóhanna Gísladóttir, Þingeyri.
22. Skipaskagi. Gef.: Akraneskaupstaður. í tilefni 80
ára afmælis Akraneskaupstaðar. Forgangsrett
eiga verandi eða fyrrverandi Akurnesingar.
23. Jóhanna Jónasdóttir, Björn Jónsson. Hjón fra
Vatnsnesi, Keflavík. Keflvíkingar ganga fyrir um
afnotarétt. Tilmæli um að myndir af hjónunum
megi vera í herberginu. Gef.: 5. börn hjónanna.
24. Höfn. Gef.: Börn og tengdaböm. í tilefni af
gullbrúðkaupi frú Magdalenu og Ellerts Schram,
skipstjóra.
25. Kópanes. Gef.: Jón Oddsson, útgerðarm., Hull-
26. Reykjanes. Gef.: Jón Oddsson, útgerðarm., Hull-
27. Brimnes. Gef.: Jón Oddsson, útgerðarm., Hull.
28. Geirsbúð. Gef.: Helga Zöega. í minningu um Geir
Zöega útgerðarmann á 75 ára afmæli gefandans.
29. Jón Ebeneserson og Árni Jónsson, feðgar. Hus-
munir eiga að fylgja. Gef.: Nánustu vinir.
30. Hafliðabúð. Gef.: Halldóra Helgadóttir. í minn-
ingu iim feðgana Hafliða Jónsson vélstjóra og
Pétur Már son hans, er fórust með m.s. Goðafoss
10. 10. 1944. Forgangsrétt hafi menn úr Flateyrar-
hreppi eða A.-Barðastrandasýslu.. Myndir af þeim
feðgum fái að vera í herberginu og að ættarskra
og ævilýsing sé geymd á góðum stað í heimihnu.
31. Jón Bjarnason, er fórst með e.s. Dettifoss 21. 2.
1945. Mynd og minningartafla, sem aðstandendur
leggja til að fái að vera í herberginu. Gef.: Að-
standendur og eiginkona hins látna, Bára Kristo-
fersdóttir.