Ægir - 01.09.1950, Page 24

198
Æ G I R
2. Síldveiðin.
Sumarið 1949 var fimmta aflaleysisver-
tíðin í röð á síldveiðunum. Að vísu voru all-
ar þessar vertíðir ekki jafnslæmar, hvað
aflaleysi snerti, t. d. var allmikill munur á
verlíðunum 1946 og 1947 og svo aftur hin-
um þremur, en telja má, að vertíðin 1949
hafi verið með þeim verstu, sem komið
hafa.
Eftir reynslu þá, sem fengizt hafði und-
anfarin ár, var því ekki furða, þótt menn
væru tregari til að senda skip sín til síld-
veiða en áður, þar sem sýnilegt var, að því
fylgdi mikil áhætta, og enn frernur voru all-
margir útgerðarinenn, sem ekki treystu sér
beint af fjárhagslegum ástæðum að senda
skip sín enn einu sinni til síldveiða. Það
fór því svo, að þátttakan í síldveiðunum
varð töluvert minni nú en undanfarin ár,
eða alls 199 skip á móti 242 skipum 1948
og 264 skipum 1947, en þá varð þátttakan
meiri en áður hafði þekkzt. Brúttó rúm-
lestatala þessa flota varð 16 778 rúml., eða
3000 rúml. lægri en árið áður, og tala herpi-
nóta 198 á móti 236 árið áður. Meðalrúm-
lestatala skipanna var því rúmlega 84 rúm-
lestir, eða 2 rúml. meira en árið áður, og
stafar það af því, að hin minnkandi þátt-
taka skipanna mun hafa komið meira niður
á hinum smæstu skipum, sem fóru til ým-
issa annarra veiða, svo sem dragnótaveiða,
og jafnvel þorskveiða, en fyrir hin stærri
skip er lítið annað að gera um þetta leyti en
að fara til síldveiða, enda eru þau hentugust
til slíkra veiða, þegar afli er sæmilegur.
Aftur á móti fækkaði tölu skipverja meira
en tala bátanna gefur tilefni til að ætla,
vegna þess að enn fór þeim hátum fjölg-
andi, sem stunduðu síldveiðar með hring-
nót.
Langflest þeirra skipa, sem síldveiðar
stunduðu, voru mótorskip, eða 187 alls, en
.•iðeins fjögur botnvörpuskip og átta gufu-
skip.
Eins og að venju hófu flest skipin veiðar
um mánaðamótin júní—júlí, en framan af
júlímánuði var engin síldveiði. Veiddist
fyrsta sildin ekki fyrr en komið var fram
í 2. viku júlímánaðar og þá mjög óverulegt.
Var svo allan júlímánuð, að veiði hélzt
mjög lítil, svo að með fádæmum var. Þegar
kom fram í 2. viku ágústmánaðar, glæddist
aflinn heldur, og var nokkur afli þá um 3
vikna skeið, enda kom þá mest af síldinni
á land á því tímabili eða nær %. Var vik-
an frá 14.—20. ágúst bezta vika vertíðar-
innar, og öfluðust þá alls 132 þús. mál og
tunnur samanlagt. Þegar kom fram undir
lok ágústmánaðar, minnkaði aflinn heldur,
en í september varð aftur nokkur aflahrota
við Norðausturland eftir norðanstorm, sem
staðið hafði í nokkra daga og olli því, að
flest veiðiskipanna liéldu heim. Nutu því að-
eins fá skip þessarar hrotu og héldu út ó-
venju lengi eða allt fram undir lok sept-
cmbermánaðar. Má því segja, að síldarver-
líðin í heild hafi staðið venju freinur
lengi.
Heildaraflinn yfir síldveiðitímann um
sumarið var rúmlega 60 þús. smál., en hafði
verið 53 þús. smál. árið 1948. Má því segja,
að aflamagnið hafi verið heldur meira, þeg-
ar tillit er tekið til þess, að skipin voru
færri, en þá verður jafnframt að geta þess,
að veiðitíminn var mun lengri að þessu
sinni.