Ægir - 01.12.1989, Blaðsíða 31
12/89
ÆGIR
647
Samningar viö Evrópubanda-
lagið
48. Fiskiþing leggur áherslu á
þá ófrávíkjanlegu forsendu fyrir
samningum við Evrópubandalagið
að íslendingar stjórni einir nýtingu
auðlinda í fiskveiðilandhelgi sinni
og á landgrunni.
Krafist verði niðurfellingar
styrkja EB og aðildarlanda þess til
fiskveiða og sjávarvöruframleiðslu
sem er í beinni samkeppni við
okkur og að tollmúrar nái ekki til
sjávarafurða.
Áhersla verði lögð á sérstöðu
íslendinga, vegna smæðar þjóðar-
innar og einhæfni atvinnulífsins.
Tekið er undir þá skoðun að
íslendingar taki virkan þátt í við-
ræðum EFTA við EB þar sem líkur
séu meiri á að árangur náist á
þeim vettvangi um fríverslun með
fisk, heldur en í tvíhliða viðræðum
íslands og EB.
Siglingarálag á loðnu
Ekki skal reiknað álag á loðnu
sem seld er erlendis úr loðnuskip-
um.
Þróunarsjóður
48. Fiskiþing hvetur til að
komið verði upp þróunarsjóði í
sjávarútvegi sem stuðli að
nýjungum og framförum í grein-
inni. Lagt er til að sjóðurinn komi
í stað Fiskimálasjóðs, verði sjálf-
stæð deild innan Fiskveiðasjóðs
íslands og fjármagnaður af
honum.
Verðlagsráð
48. Fiskiþing leggur til að Verð-
lagsráð sjávarútvegsins starfi
áfram. jafnframt er hvatt til þess að
lög um fiskmarkaði sem ganga úr
gildi nú um áramót verði sett til
frambúðar.
Verðjöfnunarsjóður
48. Fiskiþing leggur til að Verð-
jöfnunarsjóður fiskiðnaðarins
verði lagður niður. Nú er Ijóst að
hin afleita afkoma í sjávarútvegi
mun þýða að nýta þarf allan
afkomubata í greininni til að
greiða niður skuldir og treysta
undirstöðu fyrirtækjanna. Til
lengri framtíðar litið verður hins
vegar að búa svo um hnútana að
fyrirtækjum verði gert kleift að
stofna jöfnunarsjóði í rekstri sínum
er komi að raunverulegum notum.
Reikningar Fiskifélags íslands
48. Fiskiþing leggur til að reikn-
ingar Fiskifélags íslands 1988
verði samþykktir eins og þeir
liggja fyrir.
Fiskiþing vill enn á ný minna á
þýðingu starfa Fiskifélagsins fyrir
stjórnvöld. Bent er á hið ódýra og
vandaða kerfi umboðsmanna um
land allt og ómetanlegar upplýs-
ingar sem birtast í útgáfu félagsins.
Fiskiþing þakkar fiskimálastjóra
og starfsfólki Fiskifélagsins heilla-
drjúg störf og góðan árangur við
hagræðingu og aðhaldsaðgerðir
sem mætt hafa skertum fram-
lögum fjáveitingarvaldsins.
Afkomumál
48. Fiskiþing ályktar að meðan
ekki er komið böndum á verð-
bólguna hér á landi til samræmis
við það sem hún er í helstu við-
skiptalöndum okkar geti enginn
heilbrigður rekstur þrifist hér.
Efnahagsstefna undanfarinna
ára hefur verið sjávarútvegi fjand-
samleg. Afleiðing þess hefur
undanfarið birst í greiðslustöðvun-
um, gjaldþrotum, ört vaxandi
atvinnuleysi og byggðaflótta. Eigið
fé sjávarútvegsins er nánast þrotið
og getur greinin nú ekki staðið
undir jafn góðum lífskjörum í
landinu og áður.
íslenska þjóðin á kröfu á því að
stjórnvöld snúi við blaðinu og
viðurkenni þá augljósu staðreynd
að efling sjávarútvegsins er for-
senda framfara í íslensku þjóðfé-
lagi.
Skuldbreytingar þær sem hafa
verið gerðar m.a. í gegn um
Atvinnutryggingarsjóð útflutnings-
greina voru án efa til bóta. Þær
nægðu hins vegar ekki og enn
sækir í sama horfið. Því þarf fisk-
vinnsla og útgerð að fá skilyrði til
að hagnast nægilega til þess að
standa í skilum. í því sambandi
minnir 48. Fiskiþing á að nauð-
synlegt sé að:
1. Jöfnuður verði í viðskiptum við
útlönd.
2. Ríkissjóður verði rekinn halla-
laus, rekstrarútgjöld ríkisins
lækkuð og lánsfé til þjónustu-
framkvæmda haft í lágmarki.
3. Ákvörðun um gengisskráningu
verði tekin á efnahagslegum
forsendum en ekki pólitískum.
Frelsi í gjaldeyrisviðskiptum
verði aukið. Hætt verði að
nota gengi ísl. krónunnar til
þess að falsa lífskjör í landinu.
4. Fjármagnskostnaður lækki,
m.a. með dvínandi sókn hins
opinbera inn á lánamarkaðinn.
5. Áfram verði unnið að skuld-
breytingum sjávarútvegsfyrir-
tækja við lánastofnanir og
sjóði.
6. Enn frekari hagræðing þarf að
vera í bankakerfinu er lækki
óhóflegan rekstrarkostnað
þess.
Virðisaukaskattur
Fiskiþing leggur áherslu á að
þegar virðisaukaskattur verði tekin
upp, sé þess gætt að greiðslubyrði
íiskvinnslunnar verði ekki íþyngt
vegna þessarar skattabreytingar.
Fiskvinnslan fái innskatt sinn
endurgreiddan ekki seinna en viku
eftir að reikningur hefur verið
gerður.
Ályktun um framtíðartengsl
kvóta og fjármagns
Fiskiþing telur að við núverandi
stefnumótun í fiskveiðistjórn sé
jafnframt Ijóst að innan tveggja til
þriggja ára þurfi að rjúfa þau
tengsl sem eru milli veiðiheimilda
og fjármagns í núverandi kerfi.